كتب: مروان محمد
أطلق (رامي صبري) أولى أغنيات ألبومه الجديد (القمر)، تحت عنوان (بفرحك وأنت تزعلني)، وذلك منذ أيام قليلة عبر قناته الرسمية على موقع الفيديوهات العالمي يوتيوب ومنصات الموسيقى المختلفة تمهيدًا لإطلاق الألبوم الجديد 16 يونيو الجاري.
أغنية (بفرحك وأنت تزعلني) من كلمات حازم إكس وألحان (رامي صبري) وتوزيع كولوبيكس وميكس وماستر هاني محروس وتوزيع رقمي فايرال ويف.
كلمات بفرحك وأنت تزعلني
أنا مهما أعملك اللي بتحبه واللي يرضيك
ليه.. مفيش فايدة فيك
ليه ليه ليه؟
بفرحك وانت تزعلني
بريحك وانت بتتعبني
بقربك وانت بتبعدني
طب اقولك إيه طيب؟
بكبرك وانت تصغرني
بقدمك وانت تأخرني
بطلعك وانت تنزلني
ده جزاتي عشان طيب؟
أنا مهما أعملك اللي انت عايزه وتتمناه
ليه .. كل ده بتنساه
ليه ليه ليه؟
بضحكك وانت تبكيني
بحنلك وانت تقسيني
بنورك وانت بتعميني
مفرقش معاك قلبي
بدلعك وانت تعذبني
بصدقك وانت تكدبني
بعيشك وانت مموتني
ومخلص على قلبي
أغنية أخرى بعنوان (اسمعيني)
(بفرحك وأنت تزعلني) ليست الأغنية الوحيدة التى طرحها (رامي صبري) خلال الأيام الماضية، ولكنه طرح أيضا أغنية أخرى بعنوان (أسمعيني) كلمات عليم، ألحان مدين، توزيع أحمد أمين، تقول كلماتها:
اسمعيني اسمعيني ، م النهارده أنا اعتبرتك
صاحبتي وجايزة سنيني
اسمعيني اسمعيني م الليلادي انتي الهديه
ولا مش عايزه تهاديني
م النهارده عايزك انتي توعديني
ماتسيبيش في مره إيدي ولا تسيبيني
هقدر أعمل اي حاجة، لو بجد حبتيني
هقدر أعمل اي حاجة، لو هتيجي تحضنيني
اسمعيني اسمعيني ..
كنت قبلك مش فاهمني، جيتلك انتي تفهميني
اسمعيني اسمعيني ..
جاي اقدملك حياتي، بس خايف تكسفيني
م النهارده عايزك انتي توعديني
ماتسيبيش في مره إيدي ولا تسيبيني
هقدر أعمل اي حاجة، لو بجد حبتيني
هقدر أعمل اي حاجة، لو هتيجي تحضنيني
(رامي صبري) يغني في ألبومه الجديد (القمر) من ألحانه أكثر من أغنية هي (فلته) كلمات تامر حسين، توزيع عادل حقي، (لسه باقي عليك)، كلمات محمد عاطف، وتوزيع رامي صبري، و(موسم السمر) كلمات فلبينو، توزيع كولوبكس، و(مش بنساك) كلمات تامر حسين، وألحان أحمد حسين، وتوزيع أسامة الهندي.
و(أنا مالي بيك) كلمات تامر حسين، ألحان عزيز الشافعي، توزيع أسامة الهندي، و(قصة حب) كلمات رمضان محمد، وألحان علي شعبان، وتوزيع أسامة الهندي، و(لو تعرف) كلمات أدهم معتز، ألحان تيام علي، توزيع جلال الحمداوي.
و(أيامي) كلمات وألحان محمد يحيي، وتوزيع أحمد أمين، و(القمر) كلمات عمرو المصري، ألحان عمرو الخضري، وتوزيع فلسطيني، وعمرو الخضري، و(يا بختي بيه) كلمات عمرو المصري، وألحان وتوزيع عمرو الخضري
مفاجآت موسيقية متعددة
جدير بالذكر أن (رامي صبري)، يتواجد في الصيف بقوة بألبوم غنائي مميز مختلف الألوان الموسيقية ويشهد مفاجآت موسيقية متعددة كما يتعاون مع أبرز صناع الموسيقى في مصر لتقديم أغانيه الجديدة.
وحرص (رامي صبري) على التجديد في الموسيقى المقدمة في ألبومه الجديد من أجل تقديم أغانِ بها عدد من الأفكار المبتكرة، وحرص رامي على التعاون مع أسماء جديدة في صناعة الموسيقى في ألبومه الجديد لإتاحة
الفرصة لضخ دماء جديدة في الوسط الموسيقي بالإضافة إلى وضع بصماته
على ألحان عدد من أغنيات الألبوم.
ويستعد (رامي صبري) لعدد من الحفلات الغنائية القوية والضخمة داخل وخارج مصر خلال موسم الصيف، حيث يبدأ الموسم بحفل ضخم بالكويت خلال أيام، ورفع الحفل شعار كامل العدد خلال دقائق من طرح تذاكر الحفل للجمهور، ومن المقرر أن يقدم عددا من أهم أغانيه التي ارتبط بها الجمهور.