كتبت: سدرة محمد
قالت الفنانة (شيري عادل) خلال مداخلة هاتفية عبر برنامج (الستات مايعرفوش يكدبوا) المذاع على قناة CBC وتقدمه الاعلاميتين منى عبد الغني ومها بهنسي أن مسلسل (فن الحرب) كانت كواليسه مميزة بقيادة المخرح محمود عبدالتواب، مؤكدة: (كانت كواليس حلوة حقيقي ده عمل فني خلانا كلنا متشرفين إن إحنا عملنا المسلسل ده).
وأوضحت (شيري عادل) إنها تحرص دوماً على اتباع نظام رياضي صحي للحفاظ على رشاقتها، مؤكدة: “بحاول على قد ما أقدر أحافظ على رشاقتي و أروح النادي أو الجيم وبحب أعمل زومبا وطبعا بحب أوي أمشي كتير”.
ودخل الفنان إسلام إبراهيم في وصلة مزاح مع (شيري عادل)، قائلا: بالنسبة لرشاقتها هى ليه ما بتتخنش، هى بتقول أنا نفسي أكل كذا، وبعدين تاكل حتة صغيرة وتدبسنا إحنا بقى).
اشتياقه لوالدته الراحلة
من ناحية أخرى عبر الفنان (إسلام إبراهيم) عن اشتياقه لوالدته الراحلة، مؤكداً أن رحيلها ترك فراغ لا يملؤه شيء، قائلًا: (لو حد بيحبني يدعي لأمي بالرحمة، حقيقي من بعدها مافيش حاجه لها طعم في حياتي ولا حتى الأكل لأن الأكل عامل زي البصمة وأنا بعتبر إنه لغة تواصل، أنا أمي راحت وخدت نفسها معاها).
وأضاف: (فيه حاجات باجي دلوقتي آكلها مش بيبقى لها طعم، زي شوربة اللحمة أو صنية البطاطس أو الغريبة إللي كنت بآكلها من إيديها ومش لاقي زيها تاني، أمي لما ماتت مش لاقي حد عنده زي نفسها في الأكل، لأني كنت بحب الطبخ من إيديها أوي).
وأكد الفنان إسلام إبراهيم أنه يشعر بفراغ شديد بعد رحيلها، قائلًا: (نفسي أبقى في حضنها وأشم ريحتها).