كتبت: سدرة محمد
الفنانة (نيللي كريم)، أعربت عن سعادتها بالمشاركة في فيلم (هابي بيرث داي – Happy Birthday)، مشيرة إلى أن الفكرة لمست قلبها، وأن ارتباطها بالمشروع بدأ من أول سطر في السيناريو، دون الحاجة إلى قراءة تفاصيل أكثر.
قالت (نيللي كريم)، خلال حلولها ضيفة على برنامج (معكم منى الشاذلي) المذاع عبر شاشة ON : (الفكرة نفسها لمست قلبي من أول سطر، مكنتش محتاجة أعرف التفاصيل على قد ما السطر شدني، لما اتبعتلي الاسكريبت سألتهم عن إيه، فالسطر ده كان يكفي إني أقولهم يلا هنصور أمتى؟ ما فكرتش كتير، لأني كنت حابة المشروع كله).
كل شخصية فيه بطل
أضافت (نيللي كريم): (الفيلم ميزته أن كل شخصية فيه بطل، لو شيلتي شخصية من الأحداث الفيلم هيهتز، وده بيدل على عمق الكتابة).
وعن علاقتها بمخرجي ومؤلفي العمل محمد دياب وسارة جوهر، أوضحت (نيللي كريم)، أنها بدأت منذ فيلم (678)، والذي كان أولى تجارب (دياب) الإخراجية، ثم تعاونت معه مجددًا في (اشتباك)، مضيفة: (محمد دياب وسارة دائماً بيشتغلوا كفريق، وسارة دايمًا كانت الجندي المجهول في كل مشاريعه، ولما قررت سارة تخرج، قلت لها: أنا معاكي)
أضافت (نيللي كريم): (أوقات مكنش بيبقى عندي تصوير، فكنت بقعد أتفرج على الشغل على المونيتور، أنا بحب الإخراج، وكنت بستمتع وأنا قاعدة، لأني حاسة أن الفيلم ده بتاعي، وكل اللي كان يهمني أن الفيلم ده يطلع للنور والناس تشوفه).