كتبت: سما أحمد
قالت المطربة (جنات) خلال حلولها ضيفة على برنامج (معكم منى الشاذلي) المذاع عبر شاشة ON مع الإعلامية منى الشاذلي: (لومِت نفسي إني ما اتجوزتش بدري، ما اتجوزتش بالذات محمد بدري، ما ديتش فرصة أننا نتعرف على بعض، كنت أكيد اتجوزنا بدري وكان جيني وجولي دلوقتي كبار).
وأكدت (جنات) إنها شعرت بالندم على عدم الزواج مبكرًا، خاصة من زوجها الحالي محمد عثمان، وكذلك على عدم خوضها تجربة التمثيل.
أضافت (جنات) أنها أخذت وقتا طويلا حتى تقرر الزواج منه، فقد ظلت 4 سنوات حتى اتخذت القرار، مشيرة إلى أن زوجها كان صريحا منذ البداية ويرغب في الزواج منها، موضحة أنها كانت منشغلة بعملها بشكل كبير في تلك الفترة: (كنت بشتغل كتير جدًا، حفلات وسفر يوميًا تقريبًا، فصعب حياتي بتاعة زمان كانت تناسب الجواز وقتها).
كما لفتت (جنات) إلى أن خوفها من الارتباط كان نابعًا مما تسمعه عن بعض الرجال الذين لا يحبون نجاح زوجاتهم، قائلة: (نادرًا ما بتلاقي شخص متفاهم ويفرق بين شغلك وحياتك الشخصية، وبين المعجب والزميل).
جنات إنسانة بيتوتية
وعن حياتها الأسرية، قالت (جنات) إنها بطبعها إنسانة بيتوتية: (محمد حظه حلو إني ما بخرجش كتير، وكل أصحابي بيجولي البيت، وزملاء الشغل هما أصحابي)، مؤكدة أن زوجها يتمتع بالثقة التامة: (من ساعة ما اتجوزنا لغاية النهارده محمد ما سألنيش عن الباسورد بتاع موبايلي.. بقالنا دلوقتي 8 سنين متجوزين).
في سياق آخر، أعربت الفنانة (جنات) عن ندمها الشديد على إطلالتها في حفل زفافها، وقالت: (اللوك اللي ندمانة عليه هو يوم فرحي، لغاية النهاردة أنا مبتفرجش على الصور أو الفيديو، ندمت ندم رهيب، ومن ساعتها معملتش اللون ده، اكتفيت بخصل بسيطة وخلاص)، موضحة أنها شعرت بالغربة عن نفسها رغم إعجاب المقربين وقتها بالمظهر.
أكدت أنها لا تحب اعتماد إطلالات بعيدة عن شخصيتها، متابعة: (مكنتش أنا، ومع الإضاءة كان اللون فاقع، كنت منورة في الفرح.. لو رجع بيا الزمن هسيب لون شعري الطبيعي).
ومن ناحية أخرى كشفت (جنات)، عن أنها كانت تحب الفنان كاظم الساهر، في مراهقتها، وترغب في الزواج منه عندما تكبر، وأشارت إلى أنها شاركته الغناء في أغنية لعيد الأم لكنها لم تحقق نجاحا كافيا، مضيفة: “حلمي أتحقق، قولتله ابعتلي الأغنية وهغنيها فورا، لأني كنت طول عمري بحلم أغني مع كاظم الساهر، بحبه”.
تابعت: (حبيته من أول نظرة، ومقولتلوش أنه كان فتى أحلامي اتكسفت.. هو دلوقتي صديق وأخ عزيز، وجدع جدا لما تحتاجيه تلاقيه، أخلاق وفن وكل حاجة).
في سياق آخر مختلف أوضحت (جنات): (أن شخصيتها طرأت عليها بعض التغيرات بعد خبرة السنين، مشيرة إلى أنها حاليا تستغرب بعض مواقفها في بدايتها الفنية، مضيفة: “لما بفتكر حاجات بقول إزاي كنت صعبة وحادة كده، كنت بواجه وردودي جافة).
ولفتت إلى أنها حاليا تحاول الحدث عن الأمور بشكل ألطف، لأنها سابقا كانت تقول رأيها بشكل مباشر وصادم، مضيفة: (مع الوقت الواحد حس أنه غلط، في حاجات في شخصيتي بحسها اتغيرت للأحسن، إني أبقى لطيفة مع الناس وأريحهم على قد ما أقدر مش غلط”، متابعة: (بقيت هادية ومبتعصبش خالص، ومبقتش بقاوح).