(مدحت صالح) يمتع جمهور الأوبرا غدا بروائع أساطين الطرب، ويعيد البهجة، والسلطنة للتترات

كتب: أحمد السماحي

يعيش المطرب الكبير (مدحت صالح) هذه الأيام حالة من النشاط الفني، حيث من المقرر أن يحيي غدا الجمعة 21 مارس، أمسية غنائية على المسرح الكبير بدار الأوبرا المصرية.

ومن خلال هذه الأمسية الغنائية التى ينتظرها عشاق الطرب، ومريدين (مدحت صالح) سيغني روائع من أغنيات أساطين الطرب، مثل (أم كلثوم، محمد عبدالوهاب، نجاة، وردة، فايزة أحمد، محرم فؤاد، محمد رشدي، محمد قنديل) وغيرهم.

فضلا عن غنائه لمجموعة من أغنياته الخاصة التى قدم بعضها خلال مشواره الفني.

 مدحت صالح روج للحفل على وسائل التواصل الإجتماعي، وكتب قائلا: (هستناكم في حفل سهرات رمضانية بالمسرح الكبير بدار الاوبرا المصرية يوم الجمعة 21 مارس 2025، وسيكون معي  صوليست بيانو الفنان (عمرو سليم)، الفرقة الموسيقية قيادة المايسترو (أحمد عامر).

مدحت صالح .. أنا فوقت

من جهة ثانية أعاد (مدحت صالح) هذه الأيام، لتترات مسلسلات رمضان بهجتها وتوهجها من خلال غنائه لتتر مسلسل (شهادة معاملة أطفال) تأليف محمد سليمان عبدالمالك، إخراج سامح عبدالعزيز.

وبطولة (محمد هنيدي، صبري فواز، وليد فواز، نهى عابدين، جيهان خليل، سماء إبراهيم، خالد أنور، ألحان المهدي، نها صالح، محمود حافظ) وغيرهم.

 والذي إنتهى عرضه في النصف الأول من رمضان، ومن خلاله تلقى مدحت صالح عشرات المباركات والتهاني على غنائه لهذا (التتر) المبهج،  الذي جاء تحت عنوان (أنا فوقت) تأليف تامر حسين، ألحان عزيز الشافعي، توزيع احمد وحيد كينج، والذي تقول كلماته:

أنا فوقت، أنا فوقت صباح الفل

أنا كنت كويس زي الفل

وصيتي مسمعة عند الكل كليلة

ويا دوب غمضت كده وغفلت

فضحكوا عليا أنا واتغفلت

يا با اتبهدلت وشلت الليلة

أنا مالي يا عم أنا مالي

أنا مالي يا أخويا أنا مالي

آسفين والله آسفين يا جماعة

عيل وغلط أنا مالي يا عم أنا مالي

أنا مالي يا أخويا أنا مالي

مش فاكر غلطت في مين

أنا كنت سخيف وبلط

أنا مالي يا عم أنا مالي

أنا مالي يا أخويا أنا مالي

آسفين والله آسفين يا جماعة

عيل وغلط أنا مالي يا عم أنا مالي

خليكوا إنتوا العاقلين

عيل في الدنيا شَبَط

هيست هيست وعقلي ده شت

أنا مين بالظبط أنا اتلخبطت

أنا من الأيام بتشال واتحط يا عيني

بقى في اللي يشوفني يقول لي يا نمس

وفي اللي يقول ممنوع اللمس

أنا إيه اللي عملته يا ناس بالأمس اذيني

وعيني على الإنسان اللي الأيام هديته

اه يا عيني يا عيني

ده اتمرمط مرمطة ودافع فواتير فواتير

أنا نيته اه يا عيني يا عيني

شفتوا يا حضرات الدنيا دروس

فيها اللي يدوس على الخلق يلوص

ربنا يكفينا شرالنهايات مش زي حضرته

مدحت صالح.. شمال إجباري

تتر مسلسل (شهادة معاملة أطفال) ليس هو التتر الوحيد الذي قام بغنائه (مدحت صالح) حيث يعرض له حاليا مسلسل آخر بعنوان (شمال إجباري) إنتاج نبيل القاضي، تأليف خالد الغيطاني، إخراج محمد خضري، وبطولة (محمد لطفي، سامح الصريطي، عماد رشاد، صلاح عبدالله، هالة فاخر، راندا البحيري، حسام داغر، فراس سعيد، رانيا التومي) وغيرهم.

ومن خلاله يغني (مدحت صالح) تتر المسلسل الذي كتبه عماد عبيد، ألحان خالد سلطان، توزيع طه الحكيم، والذي تقول كلماته:

بنمشي في الغلط ونقول ما باليد حيله

بنسكت روحنا، والغايه بتبرر الوسيله

بنعمل من الذنوب أكوام ونتقل الشيله

مستقتلين جوه الحياة وكأن مفيش عقاب

مبنأنبش ضمايرنا، بنموت مع الأيام

شعارنا اللى احنا رفعينه هو المقابل كام

بنرمى روحنا جوه النار، وبنبيع اللى بنا أوام

شبوره من كل اتجاه خلت حياتنا دمار

شمال إجباري وخدينه ماشين فى عكس السير

عيون الغابه عايشينوا ونسينا كلمه خير

ملكوت وله أحكام ضرب وتحت الحزام

وضحية وإستسلام سلامات بقا يا ضمير

سباق، وبداية، ونهاية والرك ع النيه

ونفتكر اللي بنا انداس غلبان ملوش ديه

لكن هنشوف مع الأيام أحكام ألهيه

مهيش سايبه، ولا ميغه، فتح دي ليها كبير

حقوق ضايعه لكن هتعود كله سلف ودين

متحسبهاش هتبقا وحوش  لسه في بنادمين

وزي ما فى شمال غالب، فى برده لسه يمين

متستعجلش على رزقك في حساب وفى فواتير