الأسامي .. ألبوم حفر اسم (ذكرى) فى وجدان العرب

كتبت: سما أحمد

مرت على عالم الغناء كالنسمة الرقيقة المنعشة بعد نهار صيف قائظ، وقدمت عدة ألبومات تعد على أصابع اليد الواحدة حققت نجاحا كبيرا في مصر والعالم العربي، رغم أن المطربة التونسية الراحلة (ذكرى) – التى نحيي هذه الأيام ذكرى رحيلها – كان لها وجودا فنيا متميزا قبل الحضور إلى مصر، إلا أنها حققت شهرة مدوية عندما دخلت فى بداية التسعينات حفل (ليالي التليفزيون) وهى مطربة غير معروفة، وخرجت وهى نجمة ساطعة تهتف الجماهير باسمها، خاصة وأنها قدمت يومها ثلاث أغنيات أخذت بعقل الجمهور، وسكنت ذاكرته، ووجدانه هذه الأغنيات هى (وحياتي عندك، مش كل حب، على بلد المحبوب)، بعدها كانت الإنطلاقة الكبرى لها، وقدمت ألبومها الأول (وحياتي عندك) الذى حقق نجاحا كاسحا، بعدها قدمت ألبومها الثاني (الأسامي) الذي ثبت أقدامها عند الجماهير.

تضمن الألبوم 8 أغنيات متنوعة لمجموعة من كبار الشعراء والملحنيين والموزعين الذين كانوا فى قمة عطائهم الفني في هذه الفترة، وهذه الأغنيات هى (أنت كده) كلمات وليد رزيقه، ألحان صلاح الشرنوبي، توزيع طارق عاكف، ولنفس الثنائي قدمت (الأسامي) توزيع يحيي الموجي، و(أخاف عليك) توزيع محمد مصطفى، (قالوا، الحياة) كلمات عماد حسن، ألحان وتوزيع محمد ضياء الدين،(مش فاضلك) كلمات بهاء الدين محمد، ألحان إبراهيم نصير، توزيع أشرف محروس، (عارف) كلمات أحمد عبدالله، ألحان ممدوح الجبالي، توزيع أشرف محروس، (كل اللي لاموني) كلمات أحمد شتا، ألحان صلاح الشرنوبي، توزيع طارق عاكف.

وفى هذا الألبوم غنت (ذكرى) أغنية بطريقة (الأكابيلا) وهى أغنية (مش فاضلك) هذه الطريقة التى قدمها قبلها بحوالي خمسين عام المطرب والملحن المتجدد (محمد فوزي)، واستطاعت (ذكرى) أن تكسب التحدي بينها وبين نفسها وقدمت واحدة من التجارب التى كانت سعيدة بتقديمها كما ذكرت لي فى أحد حواراتي معها.

الألبوم أنتجته شركة (ميجا ستار) وتميز بغلاف متميز جميل، مليئ بالبساطة والشياكة، كان جديد على شكل أغلفة الألبومات فى هذا الوقت، وإليكم نصوص بعض كلمات أغنيات الألبوم:

كلمات أغنية (الأسامي)

الأسامي هى هى، والقلوب اتغيرت

والسنين رايحة وجاية، والأماني اتبعثرت

واللي راح راح، من العمر راح، راح

واحنا ملينا الرجوع

خد زمنا الشوق وراح، راح

ولا هتجيبو الدموع

القلوب اتغيرت، والأسامي هي هي

يا ليالي إيه يا ترى في إيه هيجرى

يا ليالي آه، قلبي خايف يجي بكره

تجرح الأيام قلوبنا آه قلوبنا

واللي بينا يبقى ذكرى، يبقى ذكرى

تجرح الأيام قلوبنا آه قوبنا

واللي راح من عمري راح، راح، راح

……………………………………………………………..

عارف

عارف أنا نفسي في إيه

أنا نفسي في بيت بيطل عليك

تبقى انت الشارع والناس

تبقى انت الصاحب والجار

تبقى الشمسايه اللي بتطلع مع كل نهار

وعارف انا نفسي في ايه ..

زي البنات .. زي البنات

من صغري برسم بيت معاك

قلبي يادوب، ورقة نبات

بتهزني كل الحاجات

المحتاجين حضنك ساعات

وساعات كتير بهرب بعيد

بهرب بعيد معاك

واغرق في ليل الذكريات

عارف انا نفسي في إيه

أنا نفسي في بيت بيطل عليك ..

تبقى انت الشارع والناس

تبقى انت الصاحب والجار

تبقى الشمسايه اللي بتطلع مع كل نهار

وعارف انا نفسي في ايه .

……………………………………………………………..

مش فاضلك

مش فاضلك غير دقيقه

توصلك فيها الحقيقه

اللي خليتني اسيبك

وابقى من ذنبك بريئه

مش فاضلك غير آهاتي

خذها وابعد عن حياتي

مش فاضلك غير دموعي

استحاله في يوم رجوعي

لو لقيت مليون طريقة ..

ليه شايفني ليه سامعني

وانت ابعد حاجه عني

ياللي حبك ضاع وباعني

ياللي بحر هواك خدعني

وانتهيت جواه غريبة ..

مش فاضلك غير آهاتي

خذها وابعد عن حياتي

فين كياني فين ملامحي

مش هيسكت نبض جرحي

ليه اعيش لك عمر تاني

مش هفكر غير ثواني

ليه افكر فيك دقيقه

مش فاضلك غير آهاتي

خذها وابعد عن حياتي

……………………………………………………………..

الحياة

الحياة بعدك غريبة، والشوارع مش حبيبة

جيت اغني غصب عني، دمعتي كانت قريبة

المطر والليل خانوني، باعوا احلامي وباعوني

حاولوا ياخدوا حتى صورتك، بس خبيتها فعيوني

الحياة بعدك تهون، حاجة اقرب للجنون

يبقى ايه معنى حياتي، لما عنك يبعدوني

المطر والليل خانوني، باعوا احلامي وباعوني

الحياة بعدك محال، حاجة فوق الاحتمال

لي مين في الدنيا تاني، غير عيونك يحضنوني

الحياة بعدك غريبة والشوارع مش حبيبة

جيت اغني غصب عني، دمعتي كانت قريبة

المطر والليل خانوني … باعوا احلامي وباعوني

……………………………………………………………..

انت كده

أنا مش هعاتبك عالي ضاع

ولا حبكي دمع ع الليالي

اصل اللي خد زي اللي باع

لا لو عزيز ولا لُهش غالي

انت كده، طبعك كده

قادر تبيع اجمل غرام

زي الزمان مالوش امان

يالي الوفاء عندك حرام

وأنا مش هعاتبك، عالي ضاع

أنا كنت اسامحك في الخصام

تهجرني وارجع آآوام

دا كلو هان والقلب باع

والحب كان وهم وخداع ..

انت كده .. طبعك كده

أنا عمري كلو عشتو ليك

دلوقتِ مش هكدب عليك

بين نار بعادك ونار لقاك

نسيت زمانك ونسيت هواك

نسيت هوانا وراح زمانك

ونسيت هواك ..

انت كده .. طبعك كده

……………………………………………………………..

كل اللي لاموني

كل اللى لامونى لاموك.

أتاريهم بيحبوك

أنا شفتك جوا عيونهم

سحرك فى الهوى جننهم

وأنا بعشق أكتر منهم

أكتر من اللى اتمنوك

كل اللى سمعتو عليا

أنا بردو سمعتو عليك

ومحدش اثر فيا

ليه بس يأثرو فيك

أنا بنسى العالم كلو

اكمنى بشوف بعنيك

أنا شفتك جواعيونهم

سحرك فى الهوى جننهم

علشان من قلبى بحبك

 بتحمل لوم وعتاب

صدقنى وصدق قلبك

ليه بتصدق أغراااب

ما تياللا نعيش أنا وانت انا وانت

وكفايا اننا أحباب