المطرب الحقيقي يمتلك حساً استثنائياً بالكلمة التي يغنيها، فهي لابد أن تتسرب إلى أعماقه، وتذوب في وجدانه، ويجب ألا تكون زائدة، أو مكررة ،أو ثقيلة على الأذن، وإلا رفضها على الفور وطلب من الشاعر مؤلف الأغنية تغيير هذه الكلمة أو ذلك المقطع، فى هذا الباب سنتوقف مع بعض الأغنيات التى تم تغيير بعض كلماتها، أو حذفها.
كتبت : أحمد السماحي
من الأغنيات الجميلة التى لحنها الموسيقار الخالد (محمد عبدالوهاب) من مقام البياتي، لحنه الشجي الجميل (فين طريقك فين) الذي صاغ لحنه عام 1958 وحقق وقتها شهرة كبيرة، ومازال واحدا من الألحان الناجحة التى لم تفقد بريقها وتوهجها، ويحرص كثير من المطربيين الحاليين على غنائه فى مهرجان الموسيقى العربية، أو فى جلساتهم الخاصة.
هذه الأغنية كتبها الشاعر المبدع (حسين السيد) فى منتصف الخمسينات بشكل مختلف تماما عما استمعنا إليه، ويومها أعجب الموسيقار (محمد عبدالوهاب) بمطلعها فقط، وطلب تغيير باقي كوبليهات الأغنية من صديقه الشاعر الذي رافقه منذ بداية الأربعينات، ومنذ ارتباطهما معا فى أول أغنية جمعت بينهما وهى (إجري إجري).
لكن الشاعر (حسين السيد) ركن الأغنية فى درج مكتبه، ورفض تغيير باقي الكوبليهات، وعندما كان يسأله الموسيقار (محمد عبدالوهاب) – كما جاء فى مجلة الأثنين والدنيا – كان يقول له أنه بيغير فى الكوبليهات، وقرر إعطائها كما هي لصديقه (فريد الأطرش)، لكن (فريد) وقف عند جملة (وصفتك للجمال قاللي روح اسأل عنه في الجنة، واروحها وازاي وأنا قلبي في قلبه نار بتستنى)، وقال له: (يا حسين غير الكلمات حتى نضمن إذاعتها في الإذاعة، لأنها بشكلها الحالي لن توافق الإذاعة على إذاعتها.!).
وبعد تردد وافق (حسين السيد) على تغيير الكوبليهات، وعندما سأله عنها الموسيقار (محمد عبدالوهاب) فى بداية عام 1958، قام بتغيير كلماتها، والآن ننشر لأول مرة كلمات أغنية (فين طريقك فين) الأصلية، وفى نهاية التقرير ستجدون كلمات الأغنية كما تذاع حاليا.
كلمات فين طريقك الأصلية
فين طريقك فين ويروحو له منين
ياحبيب العين، قلبك فين مداري
يا قريب وبعيد، شوقي لـَك بيزيد
عندي لك مواعيد وانت معايا مش داري
فين .. فين؟
رسمتك للقمر يمكن تكون ساكن قريب منه
حلف لي عمره ما شافك ولا قمرك سمع عنه
ووصفتك للجمال قاللي روح اسأل عنه في الجنة
واروحها وإزاي وأنا قلبي في قلبه نار بتستنى
فين طريقك فين ويروحلوا منين
صورتك بناجيها وروحي سهرانه عليها
وبنيت حواليها قصور وبستناك فيها
خايف اسأل غيري عن اسمك
ليكون من قبلي عشق رسمك
وإن قاللي عليه يمكن اخاصمك
من قبل ما أشوفك أو أقابلك
عايز أسألك أنت وأنت اللي تكمل حلم العين
عايز اسمعك أنت ولكن إزاي وامتى وفين
فين طريقك فين ويروحلوا منين
………………………………………………
كلمات أغنية (فين طريقك فين) التى تذاع حاليا:
فين طريقك فين ويروحو له منين
ياحبيب العين، قلبك فين مداري
يا قريب وبعيد، شوقي لـَك بيزيد
عندي لك مواعيد وانت معايا مش داري
فين …. فين
خايف ابني معاك فرحتي بهواك
انشغل بلقاك وانظلم بجفاك
وان غدر بي هواك ولا عز رضاك
اعمل ايه وياك .! ياقريب وبعيد
شوقي لك بيزيد عندي لك مواعيد
وانت معايا مش داري… فين
بيقولو لي توب عن هوا المحبوب
قلت هاتو قلوب من حجر مايدوب
لوقدرت انساه افتكرني هواه اعمل ايه وياه
ياقريب وبعيد شوقي لك بيزيد
وانت معايا مش داري.. فين
قلبي لك ميال وانت خالي البال
ليا فيك امال بس فين تنطال
روحي عايشه معاك بس مش لاقياك.
اعمل ايه وياك.! ياقريب وبعيد
شوقي لك بيزيد عندي لك مواعيد
وانت معايا مش داري… فين