كتبت: سدرة محمد
في مداخلة هاتفية ببرنامج كلمة أخيرة عبر قناة ON، مع الإعلامي أحمد سالم، علق (عمر فاروق الفيشاوي) على واقعة انفعال شقيقه (أحمد) على أحد المصورين بعزاء والدته قائلًا: (فيه مواقف معينة في الحياة مأفورين فيها، ومبمقاش فيه خصوصية والتطفل عالي شوية، والتريندات في الفترة الأخيرة زايدة وبقى ركوبه هوس عند البعض وكله عاوز ياخد اللقطة والتريند).
وتحدث (عمر فاروق الفيشاوي) عن والدته الفنانة سمية الألفي وقال: (ماما حبيبتي الله يرحمها كانت ست جميلة وفنانة عظيمة، هى كمان مهنيا سابت لينا بصمة نفتخر بيها، وعلى المستوى الشخصي حنونة وقلبها أبيض وعملت معانا كتير أنا وأحمد وربتنا أحسن تربية وربتنا على احترام الناس والخصوصية، ودايما نتكلم معاها ونستشريها وكان قلبها واسع).
وصية والدته الراحلة
كما كشف (عمر فاروق الفيشاوي) عن وصية والدته الراحلة: (كانت توصينا على بعض أنا وأحمد، وكانت تقولنا خدوا بالكم من بعض ومفيش حاجة تفرقكم ولا تبعدكم عن بعض).
وتابع (عمر فاروق الفيشاوي) عن اللحظات الأخيرة في حياة والدته: (ماما حبيتي الفترة الأخيرة كانت متعايشة ومبسوطة، وكنا حواليها ومش بينسيبها وكانت مسالمة وبتشكر ربنا وتقوله الحمد لله، كانت حد جميل ومسالم وبتحب الحياة حتى لو بعيدة عن الفن كانت دايما تقول أنا مبسوطة وراضية بكل حاجة وكانت قوية وشديدة).
كما تحدث (عمر فاروق الفيشاوي) عن والديه وعلاقتهما ببعض بعد الانفصال: (عمرهم ما حسسونا بالفراق وكانوا بيجمعونا وحريصين أننا نتقابل كل يوم الجمعة ونعمل يوم أسري، وفضلوا أصدقاء مدى حياتهم، وكانت معاه في أحزانه وفي مرضه، ماما كانت بتحبه جدًا ودايمًا تتكلم عنه بالخير).