كتب: مروان محمد
فجر الفنان (أحمد العوضي) سيلا من تصريحاته الجريئة الت تعكس شخصيته القوية في الحياة والفن، وذلك خلال ظهوره ضيفا ببرنامج صاحبة السعادة مع الإعلامية إسعاد يونس عبر قناة DMC.
وعلى أكثر من صعيد تحدث (أحمد العوضي)، حيث قال أولا عن طفولته، وبداياته الفنية، وأبرز محطاته الدرامية والسينمائية، كما كشف بعض تفاصيل حياته الشخصية التي طالما أثارت الفضول.
تطرق (أحمد العوضي)، في لقائه إلى علاقته بطليقته الفنانة ياسمين عبدالعزيز، وقال: (الموضوع خلصان من سنتين، ما انتهى قد انتهى، وبعدين أنا اسمي لم يذكر بشيء علشان أرد عليه).
وأضاف (أحمد العوضي): (اسمي اتذكر هنا قدامك بالطيب، فأنا رديت بالطيب، لكن الكلام اللي اتقال في الحاجات دي، أنا راجل مبغيرش كلامي على حسب الهوى أو المود، أنا راجل كلامي واحد لأنه نابع من مبدأ أنا متبنيه).
تابع (أحمد العوضي): (لا أحترم الرجل اللي بيتكلم في علاقة بعد ما خلصت، وأنا مينفعش أغير كلامي لأنه نابع من تربية على أيد راجل علمني ده، أي علاقة انتهت مينفعش تذكرها إلا بالطيب ده إن ذكرت، أنت مستني أجي معاك في حتتك واطلع ادافع، لا أنا مش متهم علشان أدافع)
وعن القيم التي تربى عليها قال (أحمد العوضي): (معروف عني أني رجل جدع وعندي أصول، ولا يجوز أن أتكلم عن علاقة سواء صراحة أو تلويح، كل الاحترام والتقدير لأي ست دخلت حياتي سواء زوجة أو صديقة أو زميلة).
وعند سؤال إسعاد يونس له: (بتعمل إيه وأنت سنجل؟)، رد (أحمد العوضي): (لا أنا مقولتش إني سنجل قبل كده، لا مش سنجل طبعًا).
وأضاف توضيحًا لما قاله خلال (فيديو لايف) مؤخرا: (أنا قلت إني هتجوز والناس زعلت، وأنا عارف أنا بقول إيه ومدرك الكلام اللي بقوله في اللايف، قلت إني هتجوز وعايز أجيب ولد، كده أنا غلطت في حد؟)، لكنه رفض الكشف عن هوية شريكته، مشيرًا إلى أنه سيعلن كل شيء في الوقت المناسب.
هدفي تقديم عمل فني يلمس الناس
تحدث (أحمد العوضي) عن أمنيته الخاصة بالإنجاب، وقال: (لما قلت إني عايز أخلف دي أمنية وبقولها عشان ربنا يحققها لي، وهل ده يزعل حد)، وأضاف: (ما أنا مش هفضل طول عمري قوي البنيان، عاوز يبقى عندي عيل، وزي ما أبويا علّمني هعلّمه إزاي يطلع واد حلو وراجل).
وعلاقته بالجمهور قال (أحمد العوضي) عن ارتباط أعماله الفنية بجمهوره وحرصه على تقديم أعمال تصل إلى المشاهد، وأن هدفه الأساسي تقديم عمل فني يلمس الناس كل عام: (اتولدت في منطقة شعبية وأحرص أن أعمالي تنقل نبض الشارع، وعايز الناس تحس إني واحد منهم، قريب منهم، ودايمًا بقول عليهم إخواتي),
وعن تيمة الظلم والمظلومية في الدراما، علق (أحمد العوضي): (حلوة والناس بتحبها، لأن الإنسان بطبعه يميل للمظلوم لو في شغل واتخانقت مع مديري ومشيت ممكن أبقى غلطان، لكن نفسي تهيأ لي إني مظلوم، النفس البشرية دايمًا تحب تميل أنها مظلومة لما تقدم له المظلوم، هو بيتفاعل معاه)
أما عن جدل (الأعلى أجرا) قال (أحمد العوضي): (مقولتش شطارة أو جمدان مني) وجاء ذلك ردا على الجدل الذي أثير حول تصريحه الذي زعم فيه أنه (الأعلى أجرا)، مردفا: (أنا لم أنسب الأمر إلى شطارتي، دا لفضل الله ودعم الجمهور،أنا قاعد في الايف مع أخواتي بقول على جمهوري أنهم إخواتي)
أكمل (أحمد العوضي): (طلع ناس قالوا ده مغرور وجنون العظمة صابه الغرور إني أكلم حد بحاجة مش عنده وهي عندي، أو إني أعاير واحد، كلمة الغرور لا تنطبق على كلامي، أنا بنفخ في نفسي بالأونطة؟ دي حقيقة).
وأشار إلى أن (الموضوع خلصان من سنتين وما انتهى قد انتهى واسمي لم يذكر بشيء عشان أرد)، وأضاف: (اسمي ذكر عندك بالطيب فأنا رديت بالطيب لكن التأويل اللي اتقال في الحاجات دي أنا راجل كلامي واحد، وقولت لا أحترم الرجل اللي بيتكلم في علاقة بعد ما خلصت).
لأنه باختصار: (البيوت كالقبور لا يعرف بداخلها سوى قاطنيها، وأنا مينفعش أغير كلامي لأنه نابع من تربية تربيتها على ايد راجل بإن أي علاقة انتهت مينفعش تذكرها إلا بالطيب إن ذُكرت”.
وتابع (أحمد العوضي): (أنا مش متهم عشان أدافع عن نفسي، والطلاق ربنا شرعه فهو مش ظلم، ولا يجوز مني اتكلم عن علاقة سابقة لا تلميحا ولا تلقيحا ولا تجريحا، أي كلمة تتقال هي هتك لعلاقة تحمل قدسية خاصة وهي الزواج، وأنا راجل أكن كل التقدير والاحترام لأي ست دخلت حياتي سواء حبيبة أو صديقة أو خطيبة او زوجة خصوصا الزوجة لأن الزواج علاقة قوية”.
شخصية صنايعي رخام
من ناحية أخرى أعرب (أحمد العوضي) عن استغرابه من الانتقادات الموجهة إليه بسبب تجسيده لشخصية صنايعي رخام، مؤكدًا موقفه تجاه تلك الآراء: (نغمة طلعت السنة اللي فاتت أن أنا شبه الصنايعية، يا عم أنا بفتخر أني شبه الصنايعية، أنا طالع من وسط الناس الشعبية وعمري ما أنكرت، ولو مكنتش أبقى ممثل هحب أبقى صنايعي، أنا الناس بتحبني علشان قريب منهم، أنا بنزل وسط الناس علشان بحبهم).
وعلق (أحمد العوضي) على انتقادات مسابقاته، قائلًا: (بيقولوا أني بعمل مسابقات علشان الناس تتفرج على مسلسلاتي، طب أسلفك وتعملها؟، والعشرة دول ما يهون عليه جنيه، متجيش معاك مش هتعمل)
وأضاف: (ميهمنيش أبقى غني، اللي يهمني أن الناس تحبني، والناس بتصدقني، واللي زعلان أن الناس مصدقاني بيحاول يشككهم فيا وده مش هيحصل، لأن الناس مشافتش مني حاجة وحشة”.
واختتم (أحمد العوضي) حديثه قائلا: معروف عني أن كل مسلسلاتي نهايتها ضلمة، فالناس اتضايقت وبقيت آخد من النقد ده رأي إخواتي اللي بيتفرجوا عليا، طبيعي ماخدش نقد من حد مبيتفرجش عليا ولكن متنكرش نجاحي).