(وفاء عامر) تكشف مفاجآت وأسرار حول (إبراهيم شيكا) وترد على الاتهامات الموجهة لها

كتبت: سدرة محمد

ردت الفنانة (وفاء عامر) على الاتهامات التي نالتها مؤخرا وعلاقتها بلاعب الزمالك السابق إبراهيم شيكا، وأسباب دخولها مجال تيك توك،  وعلاقتها بأم مكة إلى موقفها من الانتقادات التي تعرضت لها على مواقع التواصل الاجتماعي، في أول لقاء تلفزيوني ببرنامج (كلمة أخيرة) تقديم الإعلامي أحمد سالم على قناة  ON.

وعن سبب دخولها مجال التيك توك، قالت (وفاء عامر) إنها دخلت هذا المجال قبل 3 سنوات، بعد أن تواصل معها أحد الصحفيين لمساعدة الطفلة رقية، من خلال جمع التبرعات تحت إشراف وزارة التضامن الاجتماعي وصندوق تحيا مصر، مؤكدة أنها فوجئت بجمع 9 ملايين جنيه في البداية ثم وصل المبلغ لاحقا إلى 42 مليون جنيه، رغم أنها لم تكن من المهتمين بالسوشيال ميديا من قبل.

وعن معرفتها بلاعب الزمالك السابق إبراهيم شيكا، أوضحت (وفاء عامر) أنها تعرفت عليه لأول مرة يوم 31 أكتوبر، بعدما أبلغها عدد من الصحفيين أنه مريض بالسرطان ويحتاج إلى علاج.

وأضافت (وفاء عامر) أنها دخلت معه في محادثة عبر  وأرسلت أوراقه الطبية إلى أحد أقاربها في أمريكا، مضيفة: لما شفت شعره كثيف فكرت أنه معندوش كانسر وربنا يسامحني.

اتهامات والدة شيكا

وبخصوص اتهامات والدة شيكا حول وجود جروح بجانبه، ردت (وفاء عامر) قائلة: (الورق موجود، وأي حد ممكن يروح لدكتور ويتأكد من المسح الذري إذا كان فيه مشكلة بالكلى أو لا).

وحول إعطائها شقة لإبراهيم شيكا، أوضحت (وفاء عامر) أنها جمعت تبرعات بمعرفتها، والهدف كان تأمين مستقبل أولاد إبراهيم.

وقالت(وفاء عامر):  قبل ما يموت رحت لهم البيت، لقيت إنه مينفعش واحد عنده جروح بالشكل ده يقعد في بيت كده، هبة قالت لي معانا 100 ألف علشان اشتري  شقة، بدأت أجمع فلوس وبعت المحامي معا هبة ومعاها شيك بتمن الشقة، لكن عليها 150 ألف، دلوقتي هنعمل توكيل للمحامي ونسترد الشقة بسبب المشاكل من والدة إبراهيم وأخواته  لأن عدم الرضا وحش.

وعن علاقتها بأم مكة وأم سجدة أوضحت أن (أم مكة) عصامية وبدأت من الصفر و(أم سجدة) معرفهاش لكن قلت مش ده شكل الست المصرية ولا صوتها.

وأكملت: (عمري ما أكسر بخاطرها. أنا ست عادية عملت فرح السواق بتاعي في بيتي والمساعدة بتاعتي كمان).

وعن سبب رفض أم مكة تسجيل لقاء قالت (وفاء عامر): (عندي المحادثة بينها وبيني، بتقول حبسني جوه، والظلم ظلمات. قدمت الشات لإدارة القناة وبطلب منهم يعرضوه  وأم مكة عندها 4 عيال وعيال أخوها أنا بقولهم: أنتم بتناموا كويس؟ الظلم ظلمات).

ووجهت رسالة للفنانة بدرية طلبة: (إنتي حاسبتي على مشاريب مش بتاعتك وأنا اشتغلت تحت إيد جوزك، وكان محترم جدًا).

هفضل واقفة على رجلي

وأكدت (وفاء عامر): (أنا هفضل واقفة على رجلي، وبلدنا بلد مؤسسات، ومش هتنازل عن اللي أذوني.. وبقرأ مجموعة من الأعمال، وممكن أشارك في مسلسل أو اتنين أو تلاتة في رمضان. أنا واخدة حاجة ملهاش علاقة بحاجة وبحاسب على حاجة معملتهاش).

واستطردت: (محدش خذلني، حتى جمهوري ما خذلنيش ربنا يكرمكم، ومفيش حد موقفش جنبي. حتى اتحاد النقابات الفنية

وكشف الإعلامي أحمد سالم أن (وفاء عامر) بنت مسجدا، حيث أخبره أحد المقربين منها، لترد وفاء عامر باكية: ما قلتش إيه يخليني أقول أنا عملته لبلدي ومن خير بلدي ولوجه اللهرفضت اسمي بتحط عاوزاه بتحط فوق، أنا اول مرة أقول وحلمت به يكون تلات ادوار وفعلا عملته كده  ولما بشوف الناس فيه اقسم بالله كان ابني بيجوز

وفي ختام حديثها، أكدت أنها تقرأ حاليًا عدة أعمال فنية وقد تشارك في عمل أو أكثر خلال الموسم الرمضاني المقبل، مضيفة: (هفضل واقفة على رجلي ولسه عندي كتير أقدمه).

واختتمت: (طول ما إنت صح، ميهمكش من حد، ومزعلتش من الللي بيهاجموني على السوشيال ميديا  قد إيه؟ خمسين كومنت؟ مصر فيها 120 مليون وأنا ماشية في الشارع الناس بتحس بيا  ويطبطبوا عليا. اللي على السوشيال ميديا  ما بيهمنيش).