بعد الصدمة العاطفية التى تلقاها في (إضحك عليا)، مجد القاسم يغني الليلة في ساقية الصاوي

كتب: أحمد السماحي

الليلة الخميس يمتع المطرب (مجد القاسم) جمهور (ساقية الصاوي) بمجموعة كبيرة من أغنياته التى شدا بها عبر مشواره الفني، حيث يقدم مجموعة من أحب الأغنيات إلى قلب جمهوره من في فقرات الحفل.

ومن الأغنيات التى سيغنيها (مجد القاسم): (رفقا مولاتي، أسمع بقى، لعبتك، لحظة غرام، أمر الهوى، أمرك حبيبي، غمض عينيك، ليه ياقمر سبت السما)، فضلا عن مجموعة من أغنيات العمالقة الكبار، حيث يغني (بتسأل ليه عليا) لفايزة أحمد.

ومجموعة من أشهر أغنيات كوكب الشرق (أم كلثوم)، حيث يغني بعض مقاطع منها، كما سيغني للموسيقار فريد الأطرش أكثر من أغنية، وكذلك عبدالحليم حافظ.

صدمة القاسم العاطفية

(مجد القاسم) طرح منذ أيام أغنية مصورة جديدة بطريقة الفيديو كليب بعنوان (إضحك عليا) كلمات سامح الكومى، الحان خالد سلطان، توزيع  نوار البحيرى، صولو ناى نادر الشاعر، كمنجات هشام مصطفى، هندسة صوتية محمد جودة، وقام بإخراج الكليب ميدو بارون، إنتاج بروتكت ميديا (محمد العشرى).

والأغنية من أجمل ما غنى (مجد القاسم) في الفترة الأخيرة، وهى أغنية درامية من أغنيات الصدمات العاطفية، التى تتحدث عن فتاة مهمتها اللعب بالقلوب، حيث أقتربت من شخص وأوهمته وعشمته بالحب، والحنان.

لكن لأن الشاب طيب وابن حلال، وقبل أن بتزوجها، ربنا كشفها له، وفاق من الوهم الذي عاش فيه أيام وشهور وليالي، وأكتشف أن الحبيبة، قاسية القلب غدارة، وكلامات الحب التى بثتها في أذنيه طوال معرفتهما مجرد كلمات خالية من العاطفة الحقيقية، وأنها أقتربت منه حتى تنسى حبيبها الأول.

وقف وهو مذهول وفي حالة صدمة عاطفية ربنا ينجيه منها ويرجع لحياته بخير، يقول:

إضحك عليا وقولي أن ده كله مقلب

ماهو صعب بعد الفترة دي تكون بتكدب

معقولة كنت بتنسى بيا حد تاني

أكدب عليا عشان بجد أنا مش مصدق

دخلت عليا إزاي ومعرفتش أفرق

أتصرف إزاي وأعمل إيه خليك مكاني

يعني اللي كنت أنا فاكره حب كبير وعشرة

كان بس لعبة عشان تفوق ومحاولة فاشلة

معقولة يعني يطلع كل ده مش حقيقي

والصدمة منك خدتها قوية ومباشرة

أنا كنت درجة وسلمه عندك ده كله

كان قلبي جنبك وأنت كنت بتستغله

حستنى إيه من حد يقوم خلص عليا

بعد اللي شافه معايا، بعد اللي اتعمله

إزاي بتعرف تنسى وتغير مشاعرك

وبتأذي عادي الناس، وليه قلبك مطاوعك

وإزاي بقيت مبسوط كده باللي أنت فيه

بسهولة يعني مشيت خلاص بقى سهل عندك

بتعيش حياتك عادي مبتضيعش وقتك

هي القلوب لعبة في إيديك ولا أنت إيه؟!

يعني اللي أنا كنت فاكره حب كبير وعشرة.