كتبت: سدرة محمد
من خلال مسلسل (كامل العدد ++) قدمت الفنانة (إنجي المقدم) شخصية (شادية أبو شقرا)، تلك السيدة التي تهتم بعالم الأرواح، وهى شخصية مليئة بالإثارة والتشويق، خلال الحلقات قدمت (إنجي المقدم) التي تجسد شخصية (شادية) العديد من النصائح التي لا تنسى ومنها:
1 نخبي على جسمنا سنه علشان ميصدقش ويتصرف على أساسه.
2 مش بنقول مات.. بنقول عبر إلى العالم الآخر لإن العبور هو بداية لعالم أجمل وأصفى وأرقى.
3 لو جربت تقف على دماغك حياتك كلها هتتغير وهتهدى وتتخلص من المشاعر السلبية.
4 لما تسمع صوت قطة اعرف إنها بتندهلك.
5 الأطفال والحيوانات أكتر كائنات بحس بالبني آدمين وبطاقتهم.
6 في أنواع ألبان كتيرة ممكن نشربها غير لبن البقرة… نخلي لبن البقرة لولادها.
7 مش بنموت الحيوانات ونسلخهم علشان ناخد الفرو.. بندفهم لما يموتوا.
8 لما يكون عندك إمساك روح بالي وقابل كوتوت علشان تعرف الحل منه.
9 ابعد عن الأوضة اللي طاقتها زحمة.. اختار أوضة يكون الـ Feng Shui فيها مظبوط.
10 لو رجعت من الموت إعرف انك كنت في النفق وبينك وبين العبور لحظة.
11 لما تتعب ما تخدش أدوية.. اتعالج بالـhomeopathy.
12 أول محتس بالندم اعمل affirmation.. قول لنفسك أنا جميل.. أنا طيب .. أنا أستحق.
13 اقعد تحت ال full moon لإن الطاقة بتبقى قوية.. ولو نفسك في حاجة تتحقق قولها بصوت عالي كأنها حصلت.
14 أوعى تزعل لو ملقيتش ال soulmate بتاعك في ناس بتعيش عمرها كله من غير متلاقيه.
يشارك في بطولة المسلسل مع (إنجي المقدم) نخبة من نجوم الدراما منهم (دينا الشربيني، وشريف سلامة، وبدرة، وأحمد عبد الوهاب، وإسعاد يونس، وميمي جمال، ومريم الخشت، وحسين فهمي، وألفت إمام.
ومسلسل (كامل العدد ++) من تأليف رنا أبو الريش ويسر طاهر، وإخراج خالد الحلفاوي، ليواصل المسلسل تقديم وجبة درامية ممتعة خلال شهر رمضان 2025.