كتبت: صبا أحمد
بعد أن انتشرت على صفحات السوشيال ميديا، قرر الإعلامي (أسامة كمال)، الرد على أغنية نشرها الرئيس الأمريكي (دونالد ترامب)، بأغنية مشابهة مصنوعة باستخدام الذكاء الاصطناعي لكن بكلمات حقيقية، مؤكدا أن وهم أخلاقيات أمريكا (اتفضح)، وإن المسرحية التي تحاول الولايات المتحدة تقديمها للعالم أصبحت مكشوفة.
وأضاف (أسامة كمال)، خلال برنامجه مساء dmc، المذاع على قناة dmc، الأربعاء، أن الذي تبقى من الإمبراطورية الأمريكية مجرد شبح يصارع ظل نفسه.
وأوضح (أسامة كمال)، أن الرئيس الأمريكي دونالد ترامب نشر فيديو مصنوع باستخدام الذكاء الاصطناعي، يظهر فيه ترامب على شاطئ البحر، وبجواره نتنياهو، وخلفهم شعار Trump Gaza . مستخدما أغنية كمؤثر صوتي.
تقول الأغنية: (ترامب جاي يحرركم، جاي لكم بالنور، مفيش أنفاق، مفيش خوف، أخيرًا غزة ترامب، مستقبل مشرق، حياة جديدة، احتفلوا وارقصوا، الشغل خلص، غزة ترامب نامبر وان).
مش غزة اللي نعرفها
وعلق (أسامة كمال) قائلًا: (غزة في الفيديو مش غزة اللي نعرفها، مش غزة اللي قاومت واتحملت، مش غزة اللي بتموت من الجوع والبرد.. لأ، دي مدينة أحلام ترامبية، مليانة ناطحات سحاب ويخوت راقية وأطفال بتلعب على البحر، وفي وسط المشهد العبثي ده، 2 رجالة مالهمش محل من الإعراب، زي الفيديو نفسه لابسين بدل رقص وبيرقصو).
وتابع (أسامة كمال): (الفيديو مينفعش يكون غير من إنتاج الذكاء الاصطناعي، لأنه ببساطة، مستحيل يبقى حقيقة، لا دلوقتي ولا حتى في المستقبل.. فيديو رخيص ماحترمش أرض ولا بشر ولا حتى دم منشفش).
وعرض الإعلامي (أسامة كمال) أغنية مصنوعة بالذكاء الاصطناعي كرد على فيديو ترامب لكن بكلمات حقيقية.
وقال (أسامة كمال): (يمكن بعضكم كان متوقع إني هشوف الفيديو، أنفعل، أصرخ، أشتم.. بس اللي متابعني عارف إن ده مش أسلوبي، ولا ده شغلي.. أنا دوري إني أراقب وأحلل، وأقول الحقيقة.. والمرة دي الأغنية بأغنية).