كتبت: سما أحمد
نفت الفنانة (مي عبد النبي) اتخاذها قرار اعتزال الفن بسبب ارتدائها الحجاب والابتعاد عن الساحة الفنية بعد مرور قرابة 20 عاما على هذا القرار.
قالت (مي عبد النبي): (طول الفترة اللي فاتت أنا معتزلتش، يمكن مش من أدام الكاميرا، من خلف الكاميرا، طول الفترة اللي فاتت بمارس الفن في الإذاعة، مافيش أسبوع بيعدي غير لما أكون عملت حاجة في الإذاعة.
وأضافت (مي عبد النبي): (طبعا موضوع الدوبلاج خد مني وقت طويل ومحبة، أنا بعمله بحب) حسب تصريحاتها لبرنامج (الستات) الذي يقدمه كل من (مفيدة شيحة وسهير جودة) عبر شاشة (النهار).
وتابعت (مي عبد النبي): أنا مختفية، لكن معتزلتش بدليل إني موجودة في الوسط، الفكرة إن الحجاب فرض عليّ أنواع أدوار معينة، وخدت قرار الحجاب من 20 سنة، من غير أي أسباب غير أن قلبي قال لي أقرب لربنا من وجهة نظري، ودا كان اللي اقدر اعمله دلوقتي.
وأشارت (مي عبد النبي): اجتمعت بأولادي وقلت لهم إني خدت القرار عشان أقرب ربنا وأرضيه وطبعا دا هيأثر على دخل حياتنا، والاثنين قالوا لي يلا.
ووجهت مقدمة البرنامج سهير جودة لابن (مي عبد النبي)، مصطفى مصطفى يونس سؤالا إن كان وقتها يستوعب قرار والدته، ورد عليها: (كنت كبير عمري كان 17 سنة، وكنت مستوعب ومتحمس وكنا بننزل نشتري الحاجات مع بعض وكانت فترة حلوة).
ولفتت (مي عبد النبي): كنت مبسوطة وقت تقديمي بعد الحجاب لأعمال دينية وتاريخية، لكن احنا للأسف مابقيناش ننتج الأعمال دي، فبعدت، لأن مافيش حاجة اقدر أعملها وأنا لابسة الحجاب كويسة، دلوقتي في ناس بيشتغلوا بالحجاب، بس وقت ما خدت القرار مكنش في حد في الوسط متشبث بالحجاب.
يذكر أن (مي عبد النبي) ممثلة مصرية، خريجة المعهد العالي للفنون المسرحية، وهى ابنة المؤلف والممثل (حسين عبد النبي)، بدأت التمثيل في النصف الثاني من السبعينيات وبرزت في بداياتها بمسلسل (لا يا ابنتي العزيزة) وأصبحت وجها مألوفا في نهاية السبعينيات.
ابتعدت فترة عن التمثيل في بدايات الثمانينيات ثم عادت مرة أخرى للتمثيل في آواخر الثمانينيات بأدوار دينية في أغلبها استمرت حتى الألفية الجديدة، وإن كانت تظهر في الأعمال فقط بين حين وآخر منذ منتصف التسعينات.
كانت متزوجة لفترة 10 سنوات من اللاعب الدولي (مصطفى يونس) الكابتن الأسبق لمصر والنادي الاهلي قبل أن ينفصلا.