كتبت: سما أحمد
قالت الفنانة (جورى بكر)، خلال استضافتها ببرنامج (الستات ميعرفوش يكدبوا)، أنها تأثرت بالحسد والقيل والقال على (السوشيال ميديا)، مضيفة إن علاقتها بزوجها السابق ووالد نجلها (تميم) علاقة طيبة، وفيها مودة ورحمة وتميم بيحب والده ومتعلق به، وأنا حريصة على استمرار علاقتي الطيبة بأهل ابني تميم.
عن دورها (وداد)، بمسلسل (جعفر العمدة) قالت (جوري بكر): (الناس حتى الآن ينادون عليها في الشارع باسم (وداد)، ونسوا اسمى الحقيقى حتى اللى بيتصوروا معايا في الشارع!
وتابعت (جوري بكر): (لو شفت جعفر العمدة مرة تانية بعيط، وخاصة مشهد الحلقة الأخيرة والمشهد طلع حقيقى جدا، وبشكر المخرج محمد سامى جدا على المجهود الكبير جدا معانا.
عن الأدوار التي تتمنى لعبها، كشفت أنها تتمنى أن تقوم بدور بنت صعيدية أو واحدة شعبية وشقيانة، مرددة: (عاوزة أعمل دور مظلومة لكن الكل شايف إنى ما ينفعش أعمل دور واحدة الدنيا جاية عليها).
مرض (فرط التفكير)
من ناحية أخرى، وخلال اللقاء أعلنت الفنانة (جورى بكر)، عن معاناتها من مرض (فرط التفكير)، ويسبب لها عدم الراحة وقلة نوم، ويأخذ الكثير من صحتها النفسية.
أضافت جوري بكر، خلال استضافتها ببرنامج (الستات مايعرفوش يكدبوا)، المذاع على قناة cbc دايما بفكر في بكرة هيحصل فيه ايه؟، وطول الوقت في ضغط نفسي ولأني كنت مسئولة عن نفسي وعن أهلي وده كمان ضغطني بشكل أكبر.
استكملت (جوري بكر): (اتغربت 11 سنة بداية من التعليم وعملي كمذيعة وعارضة أزياء وصولًا للفن وامتهاني التمثيل، كل ده خلاني أجتهد كمان في كل حاجة عملتها، عشان أوصل للي وصلتله النهاردة.