كتب: أحمد السماحي
عرف المصريون الأغنية الرمضانية مع عهد الدولة الفاطمية، وعندما ورث المماليك حكم مصر بعد الفاطميين، كان الغناء فى المناسبات الدينية على رأس ما ورثوه من مظاهر وعادات، حتى تحول شهر (رمضان) فى عهد المماليك إلى شهر عبادة وطرب.
وعام 1907 كانت أول أغنية رمضانية تحقق شهرة للمطربة عزيزة حلمي بعنوان (وحوي يا وحوي).
وتوالت أغنيات (رمضان)، وتطورت وازدهرت مع نشأة الإذاعة المصرية عام 1934، ووجود أركان فى الإذاعة اهتمت بتقديم الأغنية الرمضانية.
وعلى مدى تاريخ الأغنية قدم كل المطربيين المصريين تقريبا أغنيات عن شهر (رمضان) باستثناء أم كلثوم ومحمد عبدالوهاب.
ويمكن تقسيم أغنيات شهر (رمضان) إلى أربع أقسام، القسم الأول خاص بأغنيات الرؤية مثل (وحوي يا وحوي) لأحمد عبدالقادر، (رمضانا جانا) محمد عبد المطلب.
و(مرحب شهر الصوم) عبدالعزيز محمود، (أهه جه يا ولاد) غناء الثلاثي المرح، وغيرها الكثير والكثير.
والقسم الثاني من أغنيات شهر رمضان هى أغنيات المظاهر التى يتميز بها الشهر الكريم.
ويأتي في مقدمتها (شوفوا رمضان) هدى سلطان، (على نور الفوانيس) عبدالحليم حافظ، (المسحراتي) محمد فوزي، (حالو يا حالو) صباح، وغيرها أيضا الكثير.
والقسم الثالث أغنيات في فضائل شهر الصوم مثل (شهر الصيام) نجاة،، (هلت ليالي حلوة وهنيه) فريد الأطرش، (سبحة رمضان) الثلاثي المرح.
والقسم الرابع الأغنيات الخاصة بوداع شهر رمضان منها (والله لسه بدري يا شهر الصيام) شريفة فاضل،، (وداع رمضان) كارم محمود، (يا بركة رمضان) محمد رشدي.
طوال شهر رمضان ومن خلال باب (غلاف ألبوم) سنستعرض مجموعة من أغنيات كل قسم من الأقسام الأربعة.
………………………………………………..
كلمات أغنية (مرحب شهر الصوم) كلمات الشاعر محمد علي أحمد، غناء وتلحين عبدالعزيز محمود:
مرحب شهر الصوم مرحب، لياليك رجعت فى امان
بعد انتظارنا وشوقنا اليك جيت يا رمضان
مرحب باقدومك يا رمضان، ونعيش ونصومك يا رمضان
بعد انتظارنا وشوقنا اليك جيت يا رمضان
زيك مافيش بين الايام كلك حسنات
بيزيد معاك نور الاسلام فضل وبركات
لياليك محلاها يارمضان، ويا محلى بهاها يا رمضان
بعد انتظارنا وشوقنا اليك جيت يا رمضان
كل العباد فيك فرحانة بين صلى وصيام
حتى العيون فيك سهرانة مش راضية تنام
ليل ويا نهار يا رمضان وكبار وصغار يا رمضان
بعد انتظارنا وشوقنا اليك جيت يا رمضان
محلاهم فيك بعد ما نفطر شمع منور
ماسكين فوانيس ده فانوس احمر وفانوس اخضر
يرقصوا ويغنوا فرحم واتهنوا يا رمضان
بعد انتظارنا وشوقنا اليك جيت يا رمضان
المؤمن يستنى هلالك فرحان وسعيد
وتروح وتزيد فى جلالك ايام العيد
فيها خير واماني وتجينا من تاني
بعد انتظارنا وشوقنا اليك جيت يا رمضان
مرحب شهر الصوم مرحب لياليك رجعت فى امان
بعد انتظارنا وشوقنا اليك جيت يا رمضان
مرحب باقدومك يا رمضان ونعيش ونصومك يا رمضان
بعد انتظارنا وشوقنا اليك جيت يا رمضان
………………………………………………..
كلمات أغنية (أهوه جه يا ولاد) كلمات نبيلة قنديل، ألحان علي إسماعيل، غناء الثلاثي المرح، وتقول كلماتها :
أهوه جه يا ولاد هيصو يا ولاد
أهوه جه يا ولاد زقططو يا ولاد
في كل سنه ويانا معاد
وعمره مابيخلفش معاد
أهو جه يا ولاد أهوه جه يا ولاد
جبت لنا معاك الخير كله
م الصبح نقوم و نحضرله
من قمر الدين، وبلح على تين
والمغرب للمدفع واقفين
قالو فين؟، وحوى يا وحوى إياحا
وكمان وحوى إياحا، وحوى يا وحوى إياحا
أهوه جه يا ولاد أهوه جيه يا ولاد
جبنا الفوانيس أحمروأخضر
بعد ما نفطر راح نتحضر
نملا جيوبنا بندق وزبيب
ونهادى بيهم كل حبيب
قالو فين لولا الحبايب لولا جينا
يللا الغفار، ولا تعبنا رجلينا
أهوه جه يا ولاد أهوه جيه يا ولاد
بعديك العيد و بنفرح به
واللبس جديد هنعيد به
كحك بسكر راح نفطر به
وبإيدينا هنوديه
قالو فين إدونا العاده
الله خليكو الفانوس أخضر
إدونا العاده الشمعه خلصت
أهوه جه يا ولاد أهوه جه يا ولاد
………………………………………………..
كلمات أغنية (رمضان جانا) كلمات حسين طنطاوي، ألحان محمود الشريف، غناء محمد عبدالمطلب.
رمضان جانا وفرحنا به، بعد غيابه وبقاله زمان
غنوا وقولوا شهر بطوله، غنوا وقولوا أهلا رمضان
رمضان جانا أهلا رمضان، قولوا معانا أهلا رمضان
بتغيب علينا وتهجرنا وقلوبنا معاك
وفي السنة مرة تزورنا وبنستناك
من امتى واحنا بنحسبلك ونوضبلك ونرتبلك
أهلا رمضان جانا قولوا معانا أهلا رمضان
رمضان جانا أهلا رمضان، قولوا معانا أهلا رمضان
يوم رؤيتك لما تجينا زي العرسان
نفرح وننصب لك زينة أشكال والوان
أهلا رمضان جانا قولوا معانا أهلا رمضان
يا مسحراتي دقّلنا تحت الشباك
سمعنا وافضل غنيلنا للفجر معاك
واعمل ليلاتي هوليلة تلاتين ليلة حلوة جميلة
أهلا رمضان جانا قولوا معانا أهلا رمضان
………………………………………………..
كلمات أغنية (وحوى يا وحوي) كلمات حسين حلمى المانسترلى، ألحان أحمد شريف، غناء أحمد عبدالقادر.
وحوى يا وحوى إياحه، روحت يا شعبان إياحه
وحوينا الدار جيت يا رمضان
هل هلالك والبدر اهو بان، يلا الغفار
شهر مبارك بقالو زمان، يلا الغفار
شهر مبارك وبقالو زمان، محلا نهارك بالخير مليان
وحوى يا وحوى اياحه، روحت يا شعبان اياحه
وحوينا الدار جيت يا رمضان، وحوى يا وحوى اياحه
جيت بجمالك صقفو يا عيال صقفو يا عيال يلا الغفار
محلا صيامك فيه صحه وعال يلا الغفار
نفدى وصالك بالروح والمال
وحوي يا وحوى اياحه، روحت يا شعبان اياحه
طول ما نشوفك قلبنا فرحان يلا الغفار
في الدار خيرك اشكال والوان، يلا الغفار
بكرا في عيدك نلبس فستان
وحوى يا وحوى اياحه، روحت يا شعبان اياحه
وحوينا الدار جيت يا رمضان
هاتى فانوسك ياختى يا إحسان، يلا الغفار
آه يا ننوسك فى ليالى رمضان، يلا الغفار
وحوى يا وحوى اياحه، روحت يا شعبان اياحه
وحوينا الدار جيت يا رمضان
ماما تبوسك و باباكي كمان.