إبراهيم رضوان : (عمايل) محمد منير .. جعلتني أترحم على محمد نوح (13)

بقلم الشاعر الكبير : إبراهيم رضوان

أيام زمان جدا جدا، كان جرس تليفون البيت كل ليله يدق الساعه 3 الفجر، ألوه.. مين؟!، أنا محمد منير يا أبو رضوي، وكنت عايز أتكلم معاك شويه، طب اتكلم يا منير مع رضوي شوية، لحد ماغسل وشي وأفوقلك، ويظل منير يغني لرضوي، وهى طفلة حتى أعود له، ونظل نتكلم حتي الصباح، وفي بعض الأوقات، كنت أغسل وجهي، وأنام مرة أخري، ويظل هو يغني لرضوى، حتى الصباح، وبعد أن قدمت له (الناس نامت إلاك، وقلب الوطن مجروح، والبحر معشوقي، ولو راحل) ماعادشي بيصحيني، لا بالليل، ولا بالنهار!.

 ونصحني كل من تعامل مع محمد منير، بعدم الاتصال به، وعدم الرد عليه حتى لواتضح أن عنده تليفون سري وكلمني منه، ونصحوني أيضا بعدم احترامه لأنه مش محترم مع حد!، ومالهوش كبير، وعندما سألت عن السبب في عدم رده علي أحد؟!، قالوا لي: (المفروض إنك تكون أول واحد عارف ان محمد منير ما عندوش تليفون!)، صدقتهم لأنه كان في بعض الأوقات، يشكو لي أن فواتير المباشر حراقه، وأنه يكره الفواتير الثقيلة، لذلك كنت أحاول أن تكون معظم المكالمات من جهتي حتي أتحمل الفاتورة!

إقرأ أيضا : إبراهيم رضوان: محمد منير لا يبكي إلا أمام الكاميرا (11)

النهارده بالصدفه، لقيت في ذكريات (الفيس بوك)،  كلام نشرته رضوي بنتي، بعد أن أصبحت أم، وزعلت جدا أن البني آدم ده – محمد منير – ضحي بعلاقته بيا، رغم أني كان ممكن أقدمله أغاني أحسن مليون مرة من الهراء اللي بيغنيه ده، من يصدق أن محمد منير الذي ضحكوا عليه، وأقنعوه أنه (الكنج) يغني في هذه الظروف أغنيه تقول كلماتها: (أنا فايق، أنا رايق، أنا مش متضايق، رغم أن الجميع في ضيقه).

ومن يصدق أن محمد منير وقف علي المسرح ليغني أغنيه غناها أكثر من منولوجست قبله تقول : (طاج.. طاج..طاجيه)، أو يغني أغنيه لشخص لا هو شاعر، ولا ملحن! اسمه علي ما أظن (أبو حفيظه) وهو يعلم جيدا أن الأغنية مسروقة لحنا و كلمة، لذلك تقدمت للهيئه العامه للكتاب بديوان عنوانه (موت الملك) من حوالي 600 صفحة، وزع آلاف النسخ!.

محمد منير يسلم على رضوى

نسيت أن أقول لكم ماذا قالت رضوي علي صفحتها قالت بمنتهي البراءة: (اتبسط قوووي النهاردة، لما لقيت بابا بيقوللي، منير بيسلم عليكي، قولتلة منير مين؟!، قاللي الكنج محمد منير، وقاللي أكيد رضوي بقت أم، فبابا قاله آه، ومعاها مليكة وسليم، فقال له سلم لي عليها كتير، وقول لها وحشتي عمك منير، قولت ياااااااه لسة فاكر، فين من أيام ما بابا كان كاتب أغنية (الناس نامت إلاك)، وكان يتصل ببابا الفجر والتليفون الأرضي يصحي الشقة كلها، بس ماكانش بيصحي غيري أنا وبابا، فنلاقي صوت  بيضحك، طالع من السماعة، ويقول : (أيوه يا أبورضوي، إوعي تكون نمت، وأكون صحيتك)، فبابا يقوله، وهو بيتاوب، رضوي معاك لحد ما اغسل وشي، ونفضل نتكلم ويغنيلي، لحد ما بابا يكون فاق، ويكملوا مكالمتهم، وادخل أنا أكمل نومي.

إقرأ أيضا : إبراهيم رضوان يكتب: أنا و محمد منير.. حكاية أغنية (المغرورة).. (10)

وساعات كان بابا ينام تاني بعد ما يغسل وشه، وينسي أن محمد منير على التليفون، ويفضل عمو منير يغنيلي لحد الصبح، ولما بروفات أغنية (الناس نامت إلاك) اتسجلت واتبعتت لبابا، كنت أول حد حافظها، وماشيه أغنيها في كل حته، لدرجة انهم اكتشفوا من خلالي كوبليه ناقص في التسجيل الرئيسي، ورجعوا ضافوه تاني، وشكروني، ومن بعدها حصل تعاون  تاني في أغنية (قلب الوطن مجروح، والبحر معشوقي، ولو راحل) يااااااه، ذكريات حلوة قوووي، والطفلة بقي عندها أطفال، ويارب يا بابا، تتعاونوا في حاجة جديدة قريب،لأنكم عشرة عمر).

صح عشرة عمر يا رضوي، بس محمد منير بغروره ونرجسيته ل عليها،م يحافظ عليها، مش أنا لوحدي اللي خسرني، كل الناس اللي ما احترمهمشي رغم أن خيرهم عليه، بادلوه نفس المشاعر، وفقد احترامهم له.

محمد منير يحطم القديم

محمد منير في ثوبه الجديد حطم حمامه القديم ليستبدله بقصريه:

ويا حبيبه الغيبه طريق..

تغريبه وليل خناق

أنا عمرى ما خُونت صديق..

ولا لحظه سعيت لفراق

م الآخر أنا محتاجلك..

واتحدى الكون من أجلك

مالكيش إلا انا خيالك..

وأخوكى وابوكى وراجلك

……………………

توهه والدنيا متاهه..

بتدوس قلب المجاذيب

سبحانه اللى مخليها..

عن روحنا الطاهره تغيب

يا ام الرمش اللى ما زال..

مرسوم على طرف الشال

م الآخر أنا محتاجلك..

واتحدى الكون من أجلك

مالكيش إلا انا خيالك..

وأخوكى وابوكى وراجلك

……………………

خيال والمُهره رموش..

وعيون زى الغزلان

إزاى يا حبيبتى هاحوش..

إنسانه عن الإنسان

وازاى عطشان هايموت..

قدام أشجار التوت

م الآخر أنا محتاجلك..

واتحدى الكون من أجلك

مالكيش إلا انا خيالك..

وأخوكى وابوكى وراجلك

……………………

آدم مع حوا هناك..

بصين من ورا شباك

شايفين الرحله براح..

محروسه بألف ملاك

عارفين إن المقادير..

لقلوبهم جايبه الخير

م الآخر أنا محتاجلك..

واتحدى الكون من أجلك

مالكيش إلا انا خيالك..

وأخوكى وابوكى وراجلك

……………………

يا سواحل راحل ليكى..

وماليش فى العالم غيرك

المركب هى عنيكى..

والشط الدافى شعوررك

جايب مهرك ويايا..

كاتب اسمك ع الرايه

م الآخر أنا محتاجلك..

واتحدى الكون من أجلك

مالكيش إلا انا خيالك..

وأخوكى وابوكى وراجلك

مات علاقتي بـ محمد منير

وهكذا ماتت العلاقة بيني وبين محمد منير بالسكته القلبية لتترك في قلبي مرارة شديدة دون أن يتأثر بموت العلاقة نهائيا، لكنه يستطيع أن يقول علي الهواء في حفلة (we) طول ما صديقي وحبيبي الشاعر ابراهيم رضوان موجود، هافضل مش قلقان علي مستقبل الأغنيه في مصر!، ولم أصدقه لأنه لم يحترم العشرة التي كانت، وماتت بيننا بفعل فاعل واحد هو محمد منير، هذا عكس ما كان يفعله معي محمد نوح، أرفع عليه قضية يحضر لي (صبري العسكري) أكبر محامي في مصر أثناء نظر القضيه يبحث عني، نلتقي في الاستوديو يقبل يدي وأقبل يده، يجري على البيانو ليغني لي و هو يبكي، ويبكي معه كل المتواجدين في الاستوديو، يغني وهو ينظر لي من خلال دموعه، وهو ينهنه بالبكاء قائلا :

ما اعشق حبيب إلاك..

يا اللي ماليش غيرك

دا انا طيري منذ رآك..

لايف علي طيرك

……………………

عدي البحور عدي..

في سفينه مسحوره

يدك علي يدي..

عصفوروعصفوره

وأنا من بداية الكون..

باحلم نكون اتنين

يا رب كون في العون..

واجمع بقي القلبين

يا حبيبي ما أحلاك..

ما إحلي إسهارك

ما أعشق حبيب إلاك..

يا اللي ماليش غيرك

……………………

خلي الدراع خلي..

في دراعي يا خلي

دا انا من زمان شايلك..

بيني و بين ضلي انت الحياة إنت

قمر اللي تاه إنت

يا مصاحب الأسفار..

ترجع لنا إمتي

سبحانه من سواك.

وخلق معاك نورك

ما اعشق حبيب إلاك..

يا اللي ماليش غيرك

فلا تنسانا يا حبيبي

لا تنسانا.

قضية على محمد منير

ثم يقول لي: (يا إبراهيم، يا حبيب قلبي، قضية إيه اللي انت رافعها عليا؟! أي قضية بتقعد قدام المحاكم أقل حاجه عشر سنين، هو أنت عمرك طلبت مني حقك، و أنا رفضت أعطيهولك؟!)

إقرأ أيضا : إبراهيم رضوان يكتب: منير أساء لمن ساهموا في نجاحه! (9)

فأرد عليه: (رفعت عليك القضية يا محمد، علشان تديني حقي، بدون ما أطلبه)، يقول نوح:  صح..أنا معاك أنت عندك حق، ونردد:

وحادق يا طعم الغُنا

شوكك دا كان سوسنه..

 بتنادى ع اللى جاى

أنا كنت يومها أنا  ..

ما اعرفش ضعت ازاى

حادق يا طعم الغُنا  ..

وحزين يا لون الشاى

الغربه متمكنه..

من صوت جريح فى الناى

 ……………………

ترحال وراه ترحال ..

والذكريات تقلق

واللى عليه البال..

  شاف الدموع لؤلؤ

ولا لينا كان شايف..

آه يا زمن زايف

حادق يا طعم الغُنا ..

وحزين يا لون الشاى

الغربه متمكنه..

من صوت جريح فى الناى

……………………

أكرم لقلبى يتوب..

من حرقة المحبوب

يبدأ يفوق ويروق..

  يصبر على المكتوب

ويقول على المقادير.. 

مهما تعاند خير

حادق يا طعم الغُنا.. 

وحزين يا لون الشاى

الغربه متمكنه..

 من صوت جريح فى الناى

……………………

الشور دا كان شورى..

  أيام ما كان جنبى

لو ابيع يكون شارى ..

 ولا يوم تعب قلبى

لكن رياح الليل..

 داست على القناديل

حادق يا طعم الغُنا ..

وحزين يا لون الشاى

الغربه متمكنه ..

 من صوت جريح فى الناى

……………………

وصف الطبيب وَصْفه..

  أنا قلت مش هانساه

سكك الفراق عاصْفه..

  وماليش رفيق إلاه

يا حرقة التراحيل..

  لو داس عنيها الليل

حادق يا طعم الغُنا..

  وحزين يا لون الشاى

الغربه متمكنه..

من صوت جريح فى الناى

وللمأساة بقية في الحلقة القادمة.