ننفرد بنشر الكلمات الأولى لأغنية (أوقاتي بتحلو) لوردة وسيد مكاوي

المطرب الحقيقي يمتلك حساً استثنائياً بالكلمة التي يغنيها، فهي لابد أن تتسرب إلى أعماقه، وتذوب في وجدانه، ويجب ألا تكون زائدة، أو مكررة،أو ثقيلة على الأذن، وإلا رفضها على الفور وطلب من الشاعر مؤلف الأغنية تغيير هذه الكلمة أو ذلك المقطع، فى هذا الباب سنتوقف مع بعض الأغنيات التى تم تغيير بعض كلماتها، أوحذفها.

كتب : أحمد السماحي

من أجمل الأغنيات الطربية التى شدت بها وردة الغناء العربي (وردة) أغنية (أوقاتي بتحلو) كلمات المبدع عبدالوهاب محمد، وألحان صاحب الألحان الطربية العذبة الشيخ (سيد مكاوي)، هذه الأغنية كما هو معروف للجميع كتبت ولحنت لكوكب الشرق (أم كلثوم) التى حفظت بالفعل بعض كلماتها، ويوجد تسجيل على موقع الفيديوهات الشهير (اليوتيوب) وهى تدندن بعض كلماتها مع الشيخ سيد مكاوي الذي تحدث عن ظروف ولادة هذه الأغنية قائلا: أرسلت لي السيدة أم كلثوم كلمات أغنية (أوقاتي بتحلو) وطلبت مني تلحينها، وبالفعل بدأت التلحين، وكانت كوكب الشرق حريصة على أن تسمع أول بأول ما لحنته، وبعد تلحين الأغنية كاملة، أرجأت البدء في البروفات لأنها كانت مرتبطة برحلة للعلاج خارج مصر، وبالفعل سافرت كوكب الشرق إلى الخارج لتكمل علاجها ولكنها فور عودتها بدأت الآلآم تتضاعف عليها.

وأعلنت عن عدم قدرتها علي العمل فى هذه الفترة، وبالتالي تركت أنا أيضا الأغنية بكلماتها، ولحنها لحين الاطمئنان على صحة سيدة الغناء العربي، وبعد شهور من المرض رحلت (أم كلثوم) وظلت الأغنية حبيسة الأدراج.

وبعد عام من رحيلها، وفي عام 1976 أدركت أنه لاتوجد مطربة تستطيع أداء مثل هذه الألحان الصعبة سوي المطربة الكبيرة (وردة الجزائرية) فذهبت إليها بالأغنية بعد أن أتممت تلحينها، وأعجبت بها (وردة) من أول مقطع وبدأنا بالفعل البروفات، وتحمست وردة للانتهاء منها في أسرع وقت، وبالفعل انتهت البروفات وخرجت أغنية (أوقاتي بتحلو) إلي النور وشدت بها وردة وأصبحت من اشهر أغنياتها).

إلى هنا انتهت كلمات الشيخ (سيد مكاوي) عن ظروف ولادة هذه الأغنية، لكن الذي لم يذكره الشيخ سيد، أن كلمات هذه التحفة الغنائية تعرض بعضها للحذف والإضافة، وإليكم النسخة الأصلية التى كتبها الشاعر الغنائي عبدالوهاب محمد، وستجدون الكلمات المحذوفة مكتوبة باللون الأحمر:

أوقاتي بتحلو، تحلو معاك، وحياتي تكمل برضاك

وبحس بروحي بوجودي، من أول ما بكون وياك

ويا روحي كل ما بالقاك، مش بس أوقاتي بتحلو

دي العيشه والناس والجو، والدنيا الدنيا بتضحكلي معاك

من كتر حلاوة الأيام، ونعيمي وسعدي بلياليك

مش بحسب فات منهم كام، ولا برضي أفكر غير فيك

ولا أندم لو مروا قوام ما أنا بقدر أجددهم بيك

واليوم وياك يساوي زمان، وأكتر بزمان من مية بكره

ده الليل بلقاك أنوار وأمان، حتى ولو كان من غير قمره

إنت اللي بتهدي لقلبي النور، وبتملا طريقي ورود، وزهور

وتخللي نجوم لياليه تدور، أنا أخاف من إيه وأنت معايا،

دنا بيك على طول بحلم وبأنول، وبأغني وأقول

أوقاتي بتحلو .. بتحلو معاك

الله ع الحب لما يوفق بين قلب وقلب

ويخلي القرب شعور ثاني أكتر من القرب

وأنا جنبك بنسى أن الدنيا، فيها ناس قاسيين

وبشوف أن العالم كله محبين

والكون بيكون حواليه نعيم

والهوى بيدوب ويبقى نسيم

والموج بيقول عالنسيم تقاسيم

والليل بيطول، وأنا بيك على طول

بأغني وأوقول أوقاتي بتحلو

يا سلام يا سلام لما الأيام تضحك وتروق

والصفو لما يمد لقدام مع كل شروق

دنا بلمح بكره معاك، فتان مليان افراح

وأمال وأشكال والوان

مش بس بكره وبس، دا بعده كمان

والآتي قريب وسعيد وجديد

ما هو أصل الحب مافيهش بعيد

واليوم اللي احنا بنسعد فيه هو دا العيد

وأما بفرح بيه وبأعيد فيه من غير مواعيد

ما أنا بيك على طول بحلم وبانول وبأغني وأقول

أوقاتي بتحلو تحلو معاك

…………………………………………………

النسخة المعدلة التى غنتها مطربتنا الكبيرة وردة:

أوقاتي بتحلو، تحلو معاك، وحياتي تكمل برضاك

وبحس بروحي بوجودي، من أول ما بكون وياك

ويا روحي ساعه ما القاك، مش بس أوقاتي بتحلو

دي العيشه والناس والجو، والدنيا الدنيا بتضحكلي معاك

أوقاتي بتحلو ، بتحلو معاك..

من كتر حلاوة الأيام، ونعيمي وسعدي بلياليك

مش بحسب فات منهم كام، ولا بقدر أفكر غير فيك

والليل وياك يساوي زمان، وأكتر بزمان من مية بكره

ده الليل بلقاك أنوار وأمان، حتى ولو كان من غير قمره

انا بيك على طول بحلم وبانول وبأغني واقول

أوقاتي بتحلو .. بتحلو معاك

الله ع الحب لما يوفق بين قلب وقلب

ويخلي القرب شعور ثاني أحلى من القرب

وأنا جنبك بنسى أن الدنيا، فيها ناس قاسيين

أو فيها عذاب هجر وشكوى، بين العاشقين

وبشوف ان العالم كله، العالم كله محبين

وأن جاني حسود في هواك وعذول

يقولوا ويعيد، راح أسيبو يقول

وأنا اخاف من ايه، وأنت معايا

والعالم ايه! العالم منته كفايه

وياروحي، ساعة مالقاك

مش بس أوقاتي بتحلو، دي العيشة والناس والجو

والدنيا بتضحكلي، بتضحكلي معاك

يا سلام يا سلام لما الأيام تضحك وتروق

والحب أما بيحيي الأرواح مع كل شروق

وانا بلمح بكره معاك، فتان مليان افراح

وجمال أشكال والوان

أنت اللي بتدي القلب النور، وتخلي نجوم لياليه تدور

وبتملى حياتي ورود وزهور

وأنا اخاف من ايه، وأنت معايا

والعالم ايه! العالم منته كفايه

وياروحي، ساعة مالقاك

مش بس أوقاتي بتحلو، دي العيشة والناس والجو

والدنيا بتضحكلي، بتضحكلي.