كتب : أحمد السماحي
خالد عجاج واحد من أهم الأصوات المصرية التى ظهرت في الثلاثين سنة الماضية، فهو يمتلك صوتا حاشدا بالدفء وحرارة العاطفة، صوت يتميز بمميزات نادرة، فهو صوت فيه شخللة الذهب، وهمس النسيم، وهسيس المصابيح، وحفيف أوراق الشجر، ونعومة الحرير، صوت خصوصي جدا موجه إلى المستمع المفرد ليقول له أنا أغني لك وحدك لأنك عزيز على، ليشحنك بالحميمية، وبمشاعر الأخوة، وبروح إنسانية عامرة بالحب والضوء، لكن لا ندري ما سر إبتعاده عن الساحة الغنائية وعدم تقديمه لأغنيات جديدة؟ ولو كان في حاجة إلى الفلوس أنا مستعد أعمل له جمعية مع بعض عشاق الغناء الطربي الجميل وندعمه، لكن لا يتركنا نعاني من غياب صوته القوي العذب كل هذه المدة.
مع بداية هذا العام اتصلت بمطربنا وصديقي الغالي، ووعدنا أن يقدم أغنية جديدة ومرت الشهور وأصبحنا في نهاية العام ولم يقدم الأغنية المنتظرة، نعلم جميعا أن الساحة الغنائية اختلفت وأصبحت مليئة بالفوضى وغربان الملاهي الليلية ومؤدي المهرجانات والراب، لكن هؤلاء سيختفوا بمجرد ظهور مجموعة من الأصوات العذبة التى لها رصيد ضخم عند الجمهور ومنهم خالد عجاج.
هذا الأسبوع وحتى نصبر حالنا لعدم وجود أغنيات جديدة لـ (خالد عجاج) سنرجع من خلال باب (غلاف ألبوم) إلى واحد من ألبوماته التى لا تنسى وهو (أصعب حب) الذي قامت بإنتاجه له شركة (فيري ميوزيك) لصاحبها العبقري (نصر محروس) الذي أنتج له أشهر ألبوماته، وتم التسجيل والمكساج باستوديوهات M.sound))، مهندس صوت أمــير مــحــروس، وتضمن الألبوم 8 أغنيات تعاون فيها مع مجموعة من أمهر الشعراء
والملحنيين، وقام بتوزيع كل الأغنيات الدكتور (أشرف عبده) باستثناء أغنية (أصعب حب) التى وزعها )يحيي الموجي(، أما الأغنيات فهي (بيعهم يشتروك، وأصعب حب) كلمات الشاعر المتفرد بهاء الدين محمد، وألحان الموسيقار الراحل حسن أبوالسعود الذي لحن له أيضا أغنية (خدي) كلمات الشاعر مجدي النجار.
كما لحن له الملحن المظلوم (حمدي صديق) صاحب الجملة الطربية العذبة أغنيتين هما (الله يسمحك) كلمات الشاعر الشعبي أحمد شتا، و(عملها فينا الهوى) كلمات المبدع عوض بدوي، ولحن له المبدع الراحل رياض الهمشري أغنية (اللي في قلبي) كلمات مجدي النجار، كما أعاد (خالد عجاج) أغنية (مابيسألش عليا أبدا) كلمات فتحي قوره، وألحان حسين جنيد، والتى سبق وقام بغنائها مطربها (محمد عبدالمطلب).
تميزت أغنيات الألبوم بالرقي والبساطة والجملة الحلوة واللحن الشرقي الأصيل، وتعاون في الأغنيات مجموعة من أشهر العازفين فعلى الأكورديون (حسن أبوالسعود، وفاروق محمد حسن) وساكس (سمير سرور)، ورق (هشام العربي) وناي (رضا بدير)، وقانون (ماجد سرور)، وكوله (عبدالله حلمي)، وإيقاع (سعيد الأرتيست) وغيرهم من العازفين المهرة.
والآن نترككم مع كلمات بعض الأغنيات :
أصعب حب، لما تلاقي اللي إنت تحبه ما بيحبكش
ولا تحس مهما عيونك تنطق قلبه ما بيحسكش
تبدأ تضعف، يمكن يعطف، تبدأ توهب، يبدأ يخطف
فجأه تحس، إن اللي إنت وقعت في حبه، مايستاهلكش
أقوى عذاب، لما دموعك تنزل منك قدام عينه ما يشوفهاش
أقوى عذاب، كل ما تيجي تقوله بحبك يسكت قلبك ما يقولهاش
قول إنك عايش وحدك، متغرب جوه حكاية
تايه مجروح مش عارف، خايف من أي نهاية.
…………………………………………………………….
وعملها فينا الهوى، وعملها فينا
سهرعينينا الهوى، وعملها فينا
وعملها فينا الهوى، وبقينا من المجاريح
ومنين نجيب الدوا، عشاق وخدنا الريح
حبيته دوبني، وناديته غلبني
سهم الهوى صابني، وبقيت مع المجاريح
وعملها فينا الهوى، عملها فينا
اه منه سهر الليل، والعشق والمواويل
وقلوب تدوب أشواق، وعيون تحب تبوح
بس الفؤاد مجروح، هما كدة العشاق
هما كدة .. كده، هما كده العشاق
اه منه الشوق وآهاته، ونجوم الليل وساعاته
وحنين وقمر ع الباب
مهما يلوموا اللايمين، مين اللي يقدر مين
طبع الهوى غلاب، آه من الهوى
طبع الهوى، طبع الهوى غلاب.
…………………………………………………………….
بيعهم يشتروك .. دول ياما باعوك
اوعى يحن قلبك .. مهما يودعوك
لا يهمك عذابهم .. ولا تعمل حسابهم
خد بالك يا غالي .. اوعى يرخصوك
بيعهم يشتروك .. دول ياما باعوك
وريتهم جنتك .. وقلوبهم سمعتك
بتقول الآه في نارهم .. ضحكوا على دمعتك
ماتخافش م الليالي .. خليك يا غالي عالي
اوعى ينزلوك .. بيعهم يشتروك
دول ياما باعوك ..
كان قلبك همهم .. واتحقق حلمهم
أول ما لاقوك في إيدهم .. مابقتش تهمهم
لو نفسك تشتريهم .. بيعهم وانت تلاقيهم
بالدمع اشتروك
بيعهم يشتروك .. دول ياما باعوك.
…………………………………………………………….
إعمل ما بدالك فيا .. حقك يا حبيبي عليا
مش هبعد عنك تاني .. تاني .. تاني
ولا هقدر أخاصمك .. تاني .. تاني .. تاني
حاول تسامحني وتنسى .. وأنا أشيلك جوه عينيا
شايف صورتك بعينيا .. وانت بتعاتب فيا
صوتك وانت بتلومني .. بتحلي الدنيا عليا
أوقات أنا بقسى عليك .. وبخاصمك بس شاريك
علشان لما آجي أصالحك .. بسرح وبدوب في إيديك
روحي .. عمري .. حبيتك .. وداريتك جوه عيوني
تتقل .. تعند .. أنا شاري لو كل الدنيا لاموني
ويا عيني على العاشقين .. بيدوبوا غرام وحنين
وآدي حال اللي بيتشوق .. واللي بيختار حلوين.