المطرب الحقيقي يمتلك حساً استثنائياً بالكلمة التي يغنيها، فهي لابد أن تتسرب إلى أعماقه، وتذوب في وجدانه، ويجب ألا تكون زائدة، أو مكررة،أو ثقيلة على الأذن، وإلا رفضها على الفور وطلب من الشاعر مؤلف الأغنية تغيير هذه الكلمة أو ذلك المقطع، فى هذا الباب سنتوقف مع بعض الأغنيات التى تم تغيير بعض كلماتها، أوحذفها .
كتب : أحمد السماحي
من أرق الأغنيات التى غنتها القيثارة الحزينة (نجاة) عبر مشوارها الفني الطويل الذي متعتنا فيه بصوتها المليئ بالعاطفة والرومانسية والدفء، أغنية (عيش معايا) كلمات الشاعر الصوفي الكبير (أحمد شفيق كامل)، وألحان الموسيقار المبدع (كمال الطويل)، هذه الأغنية – التى أطلقتها أول مرة يوم الخميس الموافق 17 يوليو 1975 في حفل النادي الأهلي بالجزيرة – وراءها قصة يجب أن تروى، فقد قدمها الشاعر الراحل (أحمد شفيق كامل) فى البداية لسيدة الغناء العربي (أم كلثوم) لكي تقوم بغنائها وأعجبت (كوكب الشرق) بكلماتها جدا، وطلبت من الموسيقار العظيم (محمد عبدالوهاب) تلحينها، لكنها بعد تفكير وجدت أن فكرة الأغنية وهى البعد عن الناس والاكتفاء بالحبيب قد تناولتها بشكل أكبر فى أغنيتها المتميزة (أنت عمري) لنفس الشاعر، فألغت فكرة الغناء، لكن كان هناك (كوبليه) فى الأغنية لم تستطع نسيانه ولا عدم غنائه، وهو:
شعر إيه ده الكلام اللي في عنيك
خلى أشهى كلام يغير
عطر إيه، ده العبير اللي في ايديك
بيقول ايديك هى العبير
هذا الكوبليه طلبت من الشاعر(أحمد شفيق كامل)، كما حكى لي في حوار نشر في مجلة (الأهرام العربي) عام 2000، أن يصنع عليه أغنية، فكتب لها أغنية (الحب كله) التى لحنها العبقري (بليغ حمدي) وغنتها عام 1971 والتي تضمنت الكوبليه المذكور.
بعد وفاة أم كلثوم فى فبراير عام 1975، نسى الموسيقار (محمد عبدالوهاب) كلمات الأغنية في زحمة انشغاله بأعمال غنائية كثيرة، وأيضا حزنه على سيدة الغناء العربي، فقام الشاعر (أحمد شفيق كامل) بعرض الأغنية بعد حذف الكوبليه الذي أخذته (ثومه)، على الموسيقار (كمال الطويل) الذي تحمس لها جدا، وعرضها على صديقته مطربتنا الكبيرة (نجاة) التى كون معها ثنائيا فنيا مليئا بالأغنيات الرائعة المحفورة فى وجدان عشاق الطرب الأصيل.
ونظرا لطول الأغنية، قام (الطويل) بمساعدة الشاعر بحذف بعض الجمل، التى رأي (الطويل) إنها جمل إنشائية قديمة لا تصلح للغناء عام 1975، مثل (فى الربا الخضرا على شط الغدير، تحت الخميلة عايزة أعيش وياك).
وغنت (نجاة) الأغنية من منتصف كلماتها، أي بدأ الطويل لحنه بكلمات منغمة أشبه بالموال تقول فيها نجاة بصوت من القرار:( يا حياة عمري بقالي عمر.. يوم ما جمعني بيك، عمر غالي يغلى اكتر.. يوم ما يقدر يفتديك)، كما أضاف كلمات جديدة بدلا من الكوبليه الذي أخذته (أم كلثوم) والتى تبدأ بـ :
(يا ابتسامة عمر، عاش العمر يحلم بابتسامة
يا ما صورلي الامل في هواك، نعيم في الحب ياما
الحب خلقني يا روح قلبي.. وياك من تاني..)
ولأول مرة ننشر كلمات أغنية (عيش معايا) كاملة كما كتبها شاعرنا الكبير (أحمد شفيق كامل)، وأسفل كلمات الأغنية الأصلية، ستجدون كلمات الأغنية كما غنتها السيدة (نجاة).
كلمات النسخة الأصلية من الأغنية كما كتبها أحمد شفيق كامل بخط يده، قبل حذف كثير من كلماتها:
عيش معايا عيش معاياا، أنت والحب وهوايا
مهما عشنا يا حبيبي، عمر واحد مش كفاية
فى الربا الخضرا على شط الغدير
تحت الخميلة عايزة أعيش وياك
سنين فى الحب، موصولة طويلة
عايزة أكون فرحة تلاقيها فى دنيا
أفراحها قليلة، تنسى زى كل شيئ إلا
الهوى وناره الجميلة
دا الهوى في قلبي اتخلق من غير بداية
والهوا في قلبي مالوش ابدا نهاية
مهما عشنا يا حبيبي، عمر واحد مش كفاية
يا حياة عمري بقالي عمر ، يوم ما جمعني بيك
عمر غالي ويغلي أكتر، يوم ما يقدر يفتديك
لما قابلتك قابلت شبابي وعرفته فى عنيك
وفى ايديا حضنت نار شوقي، ودفيتها في ايديك
ده الهوا فى قلبي اتخلق من غير بداية
والهوا فى قلبي مالوش أبدا نهاية
مهما عشنا يا حبيبي عمر واحد مش كفاية
يا حبيبي يا عبير الشوق
يا فرحة حلمت بيها سنين كتير
حب عمري، يا نور حياتي، يا ابتسامة قلبي
يا أملي الكبير، شعر ايه ده الكلام اللي في عنيك
خلى اشهى كلام يغير،عطر ايه
ده العبير اللي في ايديك، بيقول ايديك هى العبير
والهوا فى قلبي اتخلق من غير بداية
والهوا في قلبي مالوش أبدا نهاية
مهما عشنا يا حبيبي عمر واحد مش كفاية.
……………………………………………………………………………………………………………………..
كلمات الأغنية كما غنتها مطربتنا الكبيرة (نجاة):
يا حياة عمري بقالي عمر، يوم ما جمعني بيك
عمر غالي يغلى اكتر، يوم ما يقدر يفتديك
عيش معايا يا حبيبي عيش معايا، إنت والحب وهنايا
مهما عشنا يا حبيبي، عمر واحد مش كفاية
***
يا حبيبي مين أنا انا مين، ولا انت
مين ولا احنا فين يا حبيبي؟
إحنا روح بتحب روح للحب يا روح
الروح للشوق للحنين
عيش معايا بعيد عن الدنيا
عيش معايا بعيد عن كل عين
ده الهوى والحب والاشواق، علشانا مخلوقين يا حبيبي
عايزة اعيش وياك، سنين فى الحب موصولة طويلة
عايزة اكون فرحة تلاقيها، في دنيا افراحها قليلة
تنسى زيي كل شيء، إلا الهوى وناره الجميلة
عيش معايا يا حبيبي عيش معايا، إنت والحب وهنايا
مهما عشنا يا حبيبي، عمر واحد مش كفاية
***
يا ابتسامة عمر، عاش العمر يحلم بابتسامة
يا ما صورلي الامل في هواك، نعيم في الحب ياما
الحب خلقني يا روح قلبي.. وياك من تاني
الحب معاك.. بجناح وردي ع السما مشاني
روحي تعالى.. مفيش أماني محالة … تعالى
ده كل يوم له فرحة.. وكل يوم له حالة… تعالى
عطشان لعينيك يا حبيب قلبي.. عطشان لعينيك
اشرب والا أشبع.. من ليلهم ولا من لياليك
عيش معايا يا حبيبي عيش معايا.. إنت والحب وهنايا
مهما عشنا يا حبيبي.. عمر واحد مش كفاية