كتبت : صبا أحمد
من أجمل الألبومات التى طرحها الهضبة “عمرو دياب” فى مشواره الفني، ألبومه الديني “أسماء الله الحسني” الذي طرحه من خلال شركته “ناي”، وتغني فيه بـ”20” اسما من أسماء الله الحسني، لحنها جميعا، وكتبها الشاعر الراحل “مجدي النجار”، رفيق درب “الهضبة” الذي كون معه ثنائيا فنيا ناجحا لسنوات طويلة، وتولى مهمة التوزيع “أسامة الهندي”، ووزع دعاء “النور” الموسيقار “حميد الشاعري”.
هذا الألبوم طرحه “الهضبة” عام 2016 أي بعد عامين من رحيل صديقه الشاعر “مجدي النجار” الذي كان رحيله فجأة وهو لم يتجاوز الـ”58 ” من عمره، مما شكل صدمة للهضبة، ولكثير من أصدقاء الشاعر، وقد صرح لنا مصدر قريب من “عمرو دياب” أنه طرح هذا الألبوم رحمة ونور على روح “مجدي النجار” .
وجاء غلاف الألبوم بسيطا وجميلا يحمل نقوش إسلامية، ولا يحمل صورة المطرب لأول مرة فى مشوار “عمرو دياب”، وهنا سنتوقف عند بعض هذه الأسماء :
النور
يا نور على نور
اجعل فى قلبى نور
اجعل فى سمعى نور
اجعل كلامى نور
اجعل في عيني نور
واحمينى من نفسى
………………………………………………….
الحق
الحق بيدعي للحق
ألحق قول كلمة حق
هتلاقي رجعلك حقك
وتلاقي الحلم أتحقق
الصدق لوحده بينطق
وكلام الكدب ما ينطاق
وعملنا عبادة و عطاء
سبحانه يعطي ما شاء
سبحانه تبارك في الحق
………………………………………………….
الباقي
كل شئ في الدنيا هالك
كل شئ إلا وجهك الكريم
أنت يا رب ياللي خالق كل شئ
يا رحمن يا رحيم أنت العظيم
أنت الملك في القلب لحد يوم الوعد
والأمر ليك يا رب من قبل أو من بعد
يا باقي
………………………………………………….
الغني
يا عالم بحالي وغني عني وعن سؤالي
مفيش اغني منك غني ولا بعد منك غالي
يا عالم بحالي وغني عني وعن سؤالي
مفيش اغني منك غني ولا بعد منك غالي
انت الي اطعمتني و رزقتني بمالي
وانت الي اكرمتني في الدنيا بعيالي
وانت الي علمتني مطلعش في العالي
اغنيني من فضلك واقبلني من فضلك
وانظر في امالي
………………………………………………….
الصبور
يا رب صبرني علي كل ما بلاني
يا رب قدرني مكونش حد تاني
في فالحياه اسرار في الف الف اتجاه
وانا عشتها بإصرار مش لاقي طوق نجاه
منجنيش غير ذكرك منجيش غيرك
دنا كل ما افتكرك بغرق يا رب في خيرك
يا صبور
………………………………………………….
الله
لجأت يارب ليك
وانا بطلب الهدايا
وانا بتكل عليك ف
سعادتى وف شقايا
وانا بسكت بناجيك
وبتسمع صوت دعايا
الوحدانيه ليك والحب فيك غايا
والامر بين ايديك والعلم في القراءه
يارب كل حي ولكل حي أيه
وكله رايح جي عندك في النهايه يالله
………………………………………………….
البر
يارب يا منجي يا بار يا رؤوف
الله الله بتنجي في الامر بالمعروف
أمرت بالاحسان والبر بالوالدين
والحسنة فى الميزان بتسدد أى دين
يارب يا مدبر والعبد فى التفكير
اللة اللة أكبر فى الحكمة والتدبير
يارب ياغفار أسترنا دنيا ودين
واجعلنا من الأبرار وأجعلنا مخلصين
………………………………………………….
يا خالق
يا خالق الخلق في بطون الأمهات
يا خالق الملايكة و الشمس و النجوم
يا مالك الملك و الأرض و السموات
يا مبدع يا معين يا حي يا قيوم
يا محدد الأجل و العمر بين عينينا
من قبضتك أدم من قبضتك جينا
أنت اللي خالقنا بضعفنا و قوتنا
و أنت اللي رازقنا و أنت اللي بتغنينا
و حتى لو غلطنا مابتحرمناش من قوتنا
يا الله
………………………………………………….
المصور
يا مصور كل شئ وخالق بيني وبين أخويا شبه
في شئ بيشبه شئ مع أن لكل واحد فينا شبه
فيه أختلاف في شئ وفيه أئتلاف في شئ
وأنت اللي في كل شئ يارب مالك نظير أو شبه
………………………………………………….
العفو
من ظلم الناس عانيت و ظلمت وأتظلمت
و في الطريق مشيت و صدمت وأتصدمت
يارب أنا مليت من الكلام و الصمت
يارب أنا أكتفيت ورجعت و أسترحمت
و سألت نفسي سؤالِ إيه يسوي كتر الماَل
لو كل الدنيا عندي و من عفوك أتحرمت
………………………………………………….
الغفار
يا رب يلي بتغفر الذنوب وبتقبل التوبه
انا صليت ودعيت من قلبي في ساعه مكتوبه
وقلت ربي رب قلوب وانا لو عندي تل ذنوب
هلجأ لمين تاني هوا الي عارفني هوا الي سواني
وهدايتوا من عندوا في عز عصياني
ربي وانا عبده مستحيل ينساني