المطرب الحقيقي يمتلك حساً استثنائياً بالكلمة التي يغنيها، فهي لابد أن تتسرب إلى أعماقه، وتذوب في وجدانه، ويجب ألا تكون زائدة، أو مكررة ،أو ثقيلة على الأذن، وإلا رفضها على الفور وطلب من الشاعر مؤلف الأغنية تغيير هذه الكلمة أو ذلك المقطع، فى هذا الباب سنتوقف مع بعض الأغنيات التى تم تغيير بعض كلماتها، أو حذفها.
كتبت : صبا أحمد
من الأغنيات الجميلة في مشوار المطربة “صباح” أغنية ” باء فتحة بحبك” كلمات الشاعر المتميز “حسين السيد”، ألحان “محمد الموجي”، والتى غنتها في فيلم “الأيدي الناعمة” عام 1963 ، وقد كتبها الشاعر “حسين السيد” كما هو مدون على صفحة كلمات الأغنية الأصلية عام 1961، وقد لحظنا حذف كلمات كثيرة من هذه الأغنية.
باء.. فتحه با بحبك ، بي.. كسرة بي بشدة ، راء.. ضمة روحي
ر.. ضمة روحي روحي جنبك
بس أنا ساكته ومستنية لما تقرب مني شوية
عايزاك تكبر مابتكبرشي عايزاك تعقل مابتعقلشي
روح قبله وشاور عقلك، وساعتها أنا اللي إندهلك
وساعتها حأرد وأجاوبك وبكل شجاعه حأقابلك
وبكل صراحه حأقولك:
باء فتحه با بحبك بي كسرة بي بشدة
ر. ضمة روحي روحي جنبك
أنا حاسه بحبك مش ناكرة يمكن من قبل إنت ما تدرى
لكن شايفاك بتبص وراك وبتنسي إن إحنا ولاد بكرا
بتحكي لي عن الجنه ومش عارف طريقها فين
وبتعشمني بالحنة ومش عارف تجيبها منين
عايزاك لما تقول لي بأحبك تبقي الكلمة طريق مرسوم
تتهجاها صبر وعشرة علشان دي مش عشرة يوم
شوف روحي بتقولها ازاي : باء فتحة با بحبك
شوف قلبي بيتهجي ازاي : بي كسرة بي. بشدة
ب فتحه با بحبك . ب كسرة بي بشدة
ر. ضمة روحي، روحي جنبك
أنا شايفه حواجز في طريقنا كل ما بنفرب تبعدنا
وبخاف للشوق يرمينا لفوق إحنا الاتنين، ويتوهنا
أنا عايزه هواك أبنيه وياك بالحب اللي يعمر بيتنا
أنا مش عايزه يوم أندم علي حبك ولا إنت كمان
عذاب النار سنين أرحم من الجنه مع الحرمان
عايزاك لما تقول لي بأحبك تبقي الكلمة طريق مرسوم
تتهجاها صبر وعشرة علشان دي مــــش عشرة يوم
شوف روحي بتقولها ازاي : ب فتحة با بحبك
شوف قلبي بيتهجي ازاي : ب كسرة بي. بشدة
ب فتحه با بحبك . ب كسرة بي بشدة
ر. ضمة روحي، روحي جنبك