كتب : شهريار النجوم
كان الشاعر المعروف “عبدالعزيز سلام” فى زيارة لمجلة “الكواكب” فرأي صورة للنجمة “برلنتي عبدالحميد” وهى تجلس فى الشباك، فأمسك الصورة طويلا، ثم تركها، وكتب أغنية خصيصا لها تقول كلماتها:
بنت البلد يا ولد قاعدة في الشباك
ترمى قلوبنا بسهام من لحظها الفتاك
بعين تقول أكرهك / وبعين تقول أهواك
وإن كنت قصدك مخيف إبعد يا واد عنها
وإن كنت قصدك شريف أهى قاعدة تستناك
قاعدة بخفه ودلال آه يا سلام سلم
سلم سلاحك يا عاشق بالعجل سلم
سلم سلاحك وخلي القلب يتكلم
يوصف محاسن جمالها من هنا لبكره
يمكن يلين قلبها ويرق ويسلم
الشعر ليل والجبين زى الهلال نور
والوش ويا العيون دول بدر متصور
والشفه منها ” الكريز” مكسوف ومتحير
والخد ورد الجناين جه وطرح فوقه
والرقبه كوز فضه أما الصدر ده مرمر
من حسنها ومن جمالها آلف آه يا نا
من بدعها ومن دلالها بوحنا بهوانا
قالوا اللي من قبلنا حكمة وعاجبانا
إن العيون التى فى طرفها حور
قتلتنا ثم لم يحن قتلانا
رجلين بنى آدمه دول لا لا دى مش رجلين
دول جوز قوالب من الزبده ومصبوبين
سبحانه أبدع وصور شيئ يسر العين
جمال وخفه ودلال يا وعدى أه يا نا
نفسي في يوم يا قمر ـ بالشرع ـ نبقى اتنين”.
التعليقات مغلقة.