كتب : شهريار النجوم
“الدنيا اختلفت من زمان، يا ولاد مين عارف كام ملك، وكام صعلوك؟!، ولا باقي منهم غير السيرة والحواديت، وكان يا ماكان”.. وكان يا ما كان، كان يوجد مطرب في مصر غنى هذه الأغنية واختلط بالشارع وتعرف عن قرب على أفراحه وأحزانه ومآسيه، فوضع يده على مواطن الألم واستأصله بصوته في نعومة ويسر وكأنه جراح ماهر، حيث اكتشف جوهر التراث الشعبي المصري القادر على تجديد نفسه فصاغ منه أغنياته، صوته خرج من بطن نكسة يونيو 1967 لكي يعطي الأمل للمصريين – في هذا الوقت – في الغد، عندما غنى “يا بيوت السويس” كلمات “عبدالرحمن الأبنودي”، ألحان “إبراهيم رجب” استطاعت أن تلمس جرحا من جراح المأساة، جرح مدينة السويس التى عانت الدمار وخربت وشرد أهلها، وبقدر ما حمله هذا الصوت من حزن وشجن، فقد كان مليئا بطاقة من الحب للحياة وللحرية والسلام، لهذا دخل قلوب كل المصريين من خلال أغنياته.
هذا الأسبوع قررنا التوقف في “غلاف ألبوم” عند المطرب “محمد حمام” صاحب التجربة الغنائية المختلفة في نهاية الستينات وحقبة السبعينات، وألبومه “سلامات” الذي طرح عام 1980، وتتضمن 7 أغنيات، الوجه الأول “سلامات، إحنا ولاد النوبة، بس..بس..بس، بصراحة”، وتضمن الوجه الثاني ثلاث أغنيات هى “لا تلمني، واصل، يا قلبي مين غرك”، كتب الأغنيات الشاعر “عبدالرحمن الأبنودي” الذي كون صداقة وطيدة مع المطرب، ولحن الأغنيات الموسيقار “منير الوسيمي”، والألبوم إنتاج شركة “صوت الفن”.
غلب على غلاف الألبوم البساطة الشديدة والفقر الفني، حيث اكتفى المسئولين عن الشركة بصورة واحدة للمطرب وهو يمسك الميكرفون ويرتدي قميص أسود، و”بلوفر” أحمر، ورغم فقر الغلاف، لكن عوض هذا الفقر مضمون الألبوم القوي، حيث جاءت الأغنيات السبعة من حيث الكلمات والألحان على مستوى جميل ممتع، تتحدث عن موضوعات مختلفة لم تكن تتطرق إليها الأغنيات فى هذا الوقت، وإليكم نصوص بعض الأغنيات التى أبدعها الخال “عبدالرحمن الأبنودي”:
سلامات.. أزيك سلامات
رد وقربلي المسافات
ده العمر يومين والهنا ساعتين
وانت اللي اخترتك بالذات
سلامات وبقولها بأشواقي
أنا عاشق والحب تلاقي
وبحبك وبقول يا حبيبي
عايز أفرح بالعمر الباقي
ده العمر يومين والهنا ساعتين
مش عارف أقولك من أمتى
حبيتك أو شوفتك أمتى
أصل أنت الأحساس والفرحة
والقلب محبش غيرك أنت
ده العمر يومين والهنا ساعتين
تعالالي بشوقك شوقني
وارحمني لا رمشك يسرقني
واندهلي نكمل فرحتنا
واسبقني للحب اسبقني
ده العمر يومين والهنا ساعتين
………………………………………
والله يا جلبي ما أنت فاهم واصل
ولا وأنت واخد البال من اللي حاصل
انت سيبني وراك ألم جروحك
وكمان مقايس في الهوا على روحك
لو كنت يا جلبي بتسمع نوحك
لكنت خدت البال من اللي حاصل
لكن ولا أنت يا جلبي فاهم واصل
يخف منك جرح تفتح غيره
يا طير بيرمي للعذاب على طيره
أنا صرخت وجلبي كتر خيره
مش راضي ياخد البال من اللي حاصل
ولا بيسمع ولا بيفهم واصل
غرقتني في البحر مرة ومرة
وحرقتني في نار الليالي الحارة
لو كنت تسمعني يا جلبي مرة
لكنت خدت البال من اللي حاصل
………………………………………
يا جلبي مين غرك، وجلك اتحرك
جريك ورا الحلوين ضرك
يا جلبي مين غرك،
يجول هاودني، وأنا اجول أمرك
أنا بس صبري بس خلاص
اديني من صبرك
جلبي ولا كل من حب
ولا كل من أدى
يا سلام يا جلب عليك جلب
لا تنام ولا تهدى
وتحضن الشوكة بكفينيك يا جلبي
وأنت بتنكر الوردة
زي ما بتخاف يا جلبي
عليه وزي وزي
أنا بتمنى يا جلبي
مرة تخاف علي
جلبي ولا كل من
آن وجال كفاية
قلبه كده اتجن
وعمل حكاية
متعلم العند ده كله فين؟!
وتسامح الدنيا وتعند معايا
لون جرحك يا جلبي
بيملا الدنيا ضي
وأنا كان عندي شمعة
بفردها بين ايديا
يا جلبي مين غرك
………………………………………
بس بس بس، انت فكرنا ايه
هو حد حس أحنا زعلان ليه
طب احنا زعلان ليه
قولي أنت زعلان ليه
أمال لما عرفوا انت زعلت ليه؟
طب أنت زعلت ليه، بس
حبي لك جنينة الكل يشوفوها
حبي لك مدينة الكل يدخلوها
ولما يلاقوا وردة ممكن يقطفوها
ولما تمر نسمة ممكن يخطفوها
وقصتنا الجميلة ممكن يتعلموها
وممكن يعملوها وبس
يلا يا حبيبي يلي تعبك راحة
نتعاتب ويلا نتكلم بصراحة
يعني بدال ما نبعد عن عين الأحبة
لأ ده أحنا نقربمنهم حبه حبه
ونعملهم أطباه ممكن يدووا الأحبة
………………………………………
لا تلمني ولا ألومك معدش ينفعنا
لو نبكي، لو نشكي مين اللي يسمعنا
راح من أيدينا قمرنا وعيدنا
ورمانا الليل على الجراح
كله راح كله راح
ولا خنا ولا كنا طول عمرنا بنكدب
وفرحناه ما حسبناه ومستحيل نحسب
يوم موقعنا وقعوا دموعنا
ع الأرض وضاق البراح
كله راح كله راح
وبقولك أحسنلك تروح وتنساني
وما أجيلك نجمة في
ليلك انسانى من تاني
مش كان أسلم، وأحنا
بنحلم، نعمل حساب الصباح
كله راح كله راح
………………………………………
أحنا ولاد النوبة يا سيدي
تعرفنا من نقش الطواقي
النوبة موشومة على الايدي
طاطا النخل وقالي سلمتك
ليه تتغرب ما أنا فهمتك
كل ما تبعد يوم عن بيتك
يبعد صوتك يوم عن صوتك
إحنا ولاد النوبة يا أخينا
طاطا النخل بشير الأهل
أنا جلت فراقك ليه مش سهل؟
جالي سؤالك عين الجهل